Telescopium (ranneves)

Ensampel a	ranneves
Dydhyas diskudhans	1751
Rann a	Hanterkylgh Nevek an Dyghow
Restrennow kelmys war Gemmyn Wikimedia

Telescopium ew ranneves, onan a'n 88 aswonys gen an Unyans Steroniethek Keswlasek (IAU). Hy o onan a dhewdhek henwys e'n 18ves kansbledhen gen steronydh frynkek Nicolas-Louis de Lacaille hag onan a niver ow tiskwedhes daffar skiensek. Hy hanow ew furv Latinekheys a'n ger Greka rag teleskop.

An steren spladna e'n ranneves ew Alpha Telescopii, isgorrsteren gwydn-glas gen spladnvraster a 3.5, hag ena an gorrsteren rudhvelyn Zeta Telescopii spladnvraster 4.1. Eta ha PZ Telescopii ew dew gsystem steren yonk gen diskow atal ha kesparow korrsteren gell. Ma Telescopium owth ostya diw steren goynt gen nebes hidrojen, dre lycklod sewyans diw steren wydn gorunys: PV Telescopii, ew steren heliom pooth glas, ha RS Telescopii ew steren varyansel a'n ehen R Coronae Borealis. RR Telescopii ew steren varyansel a dardhas avel nova dhe spladnvraster 6 en 1948. En Telescopium ewedh ema an system gweladow kensa aswonys gen toll du, QV Telescopii, hag a omdhiskwedh avel steren varyansel gen spladnvraster 5.32 dhe 5.39.

• 
  Delinyans a Delescopium a 1825.
• 
  Ranneves Telescopium
• 
  NGC6584
• 
  Delinyans a system an toll du (an toll du ew an resegva rudh)

Ma an erthygel ma usya an Furv Skrifys Savonek a-barth Kernowek diwedhes.