Sagitta (ranneves)

Ensampel a	ranneves
Restrennow kelmys war Gemmyn Wikimedia

Sagitta ew ranneves, onan a'n 88 aswonys gen an Unyans Steroniethek Keswlasek (IAU). Hy hanow a dheu dhort an yeth Latin rag 'seth'. Onan ew a'n 48 ranneves gorrys en rol Ptolemy e'n 2a kansbledhen. Kyn fo ranneves goth, nag eus steren spladna ages an 3a spladnvraster enni. Ma dhe Sagitta an myns treja lyha a'n rannevesow oll e'n eborn.

Gamma Sagittae ew steren spladna an ranneves, gen spladnvraster a 3.47. Kowrsteren rudh koth ew gen gronnedh 90% a vyns an Howl, bes ort yeynhe hei a efanas dhe dreuslinen 54 gweyth myns an Howl. V Sagittae ew system varyansel gordhroglabmek - system steren dhewblek komposys a gorrsteren wydn ow kuntel gronnedh dhort steren aral thew desevys dhe furvya nova ha bos an steren spladna e'n Hens Sen Jamys hag onan a'n sterednow spladna e'n eborn a-dro dhe'n vledhen 2083.

Sagitta a gomprehend diw steren ha ganjo eksoplanet. Ma dhe HD 231701 ha HAT-P-34 planettow an keth myns po moy ages Yow, ha 15 Sagittae ew steren an keth myns avel an Howl bes gen korrsteren worm an keth treuslinen avel Yow bes gen gronnedh 69 gweyth dhe ev. An ranneves a gomprehend krenvonni Messier 71 ha diw niwlen ster planettik, NGC 6886 ha'n Niwlen Ster Delk.

• 
  Delinyans a Sagitta e'n eborn a-dhia 1825
• 
  Messier 71
• 
  Skeusen a'n Niwlen Ster Delk gen an teleskop Hubble
• 
  NGC 6886

Ma an erthygel ma usya an Furv Skrifys Savonek a-barth Kernowek diwedhes.