Scutum (ranneves)

Dhyworth Wikipedya, an godhoniador rydh
Jump to navigation Jump to search
Scutum constellation map.svg
Ensampel a ranneves Edit this on Wikidata
Dydhyas diskudhans 1684 Edit this on Wikidata
Rann a Hanterkylgh Nevek an Dyghow Edit this on Wikidata
Commons page Restrennow kelmys war Gemmyn Wikimedia

Scutum yw ranneves aswonnys avel onan a'n 88 aswonnys gans an Unyans Steroniethek Keswlasek (IAU). Henwys veu yn 1684 "Scutum Sobiesianum" (Skoos Sobieski) gans an steronydh polonek Johannes Hevelius (Jan Heweliusz), dhe enora trygh an luyow Kristyon hebronkys gans an myghtern polonek Jowan III Sobieski (Jan III Sobieski) yn Batel Wien yn 1683. Hy a sev yn Hanterkylgh an Dhyghow, ha'y feder steren splanna a furv shap adamant.

UV Scuti yw ughelgowrsteren rudh hag a bols yn janjus. Hemm yw onan a'n ster moyha aswonnys gans radius ynter 800 ha 1,700 radius an Howl. Stephenson 2-18 yw ughelgowrsteren aral, ha krysys yw hy fos an steren voyha aswonnys a-lemmyn, gans radius 2,150 gweyth an Howl.

An taklow moyha aswonnys yn Scutum yw Messier 11 (Bonni an Hos Gwyls) ha'n bonni ygor Messier 26 (NGC 6694). Krenvonni NGC 6712 ha niwlen ster blanettek IC 1295 yw kevys an eyl ogas dh'y gila yn rann est an ranneves.

Yma tavell efanvos Pioneer 11 ow kwaya yn tu an ranneves ma, mes ny vydh ogas dhe'n steren nessa y'n ranneves ma milvil bledhen.