Piscis Austrinus (ranneves)

Ensampel a	ranneves
Rann a	Hanterkylgh Nevek an Dyghow
	Restrennow kelmys war Gemmyn Wikimedia

Piscis Austrinus yw ranneves aswonnys avel onan a'n 88 aswonnys gans an Unyans Steroniethek Keswlasek (IAU).

Hy hanow a styr "pysk an soth" yn Latin, y'n kontrari dhe'n ranneves aral Pisces, a represent kopel a buskes. Piscis Austrinus o onan a'n 48 ranneves renkys gans steronydh an 2yl gansvledhen Ptolemy. Ster an ranneves Grus a furvya "lost" Piscis Austrinus war unn termyn. Yn 1597, Petrus Plancius a wrug ranneves dhiblans anodho, hy henwel dhyworth an edhen garan.

Ranneves danow yw, ow komprehendya saw unn steren splanna ages an 4a splannvraster: Fomalhaut, steren a'n 1a splannvraster ha'n 18ves splanna y'n ebron. Kerghynnys yw Fomalhaut gans plasenn a dhoust a-dro dhe'n steren, martesen gans planet ynwedh. An ranneves a gomprehend ynwedh Lacaille 9352, korrsteren rudh splanna y'n ebron (mes re danow hwath dhe weles gan an dewlagas) ha PKS 2155-304, taklen BL Lacertae yth yw onan a'n blazars splanna y'n ebron.