Puppis (ranneves)

Ensampel a	ranneves
Dydhyas diskudhans	1763
Rann a	Argo Navis, Hanterkylgh Nevek an Dyghow
	Restrennow kelmys war Gemmyn Wikimedia

Puppis yw ranneves aswonnys avel onan a'n 88 aswonnys gans an Unyans Steroniethek Keswlasek (IAU).

Rann o Puppis a'n ranneves goth Argo Navis, gorhel Jason ha'n Argonauts. An dhiw rann aral o Carina (an keyn ha kogh) ha Vela (an golyow).

Diskudhys veu niver a systemow eksoplanettys a-dro dhe ster y'n ranneves ma, rag ensampel:.

1a a vis Gortheren, 2003, diskudhys veu planet ow resek a-dro dhe steren HD 70642. Pur haval yw an kevreyth ma dhe Yow gans resegva efan kylghek.
17ves a vis Me, 2006, diskudhys veu HD 69830 (steren nessa an ranneves ma) bos tri flanet myns Nevyon ow resek a-dro dhedhi, an system lies-planet kynsa diskudhes heb planettys haval dhe Yow po Sadorn. An steren a's teves grugys asteroydow ynter an planet kres a'n planet pella.
21ns a vis Metheven 2007, an kynsa eksoplanet veu diskudhys y'n bonni yger NGC 2423 ow resek a-dro dhe'n kowrsteren rudh NGC 2423-3. Gronnedh an planet yw dhe'n lyha 10.6 myns Yow, ow resek war bellder a 2.1 Unses Steroniethel (AU).
22ns a vis Gwynngala, 2008, dew blanet haval dhe Yow a veu diskudhys a-dro dhe HD 60532. HD 60532 b a'n jeves gronnedh 1.03 a Yow dhe'n lyha, ow resek war 0.759 AU, ow kemeres 201.3 dydh dhe gollenwel an resegva. Gronnedh HD 60532 c dhe'n lyha yw 2.46 gronnedh Yow, gans resegva war 1.58 AU ow kemeres 604 daydh dhe gollenwel an resegva.

Yma lies bonni ygor yn Puppis. Tri ensampel yw taklow Messier, M46, M47 ha M93