Sagittarius (ranneves)

Ensampel a	ranneves, ranneves y'n stergylgh
Rann a	Hanterkylgh Nevek an Dyghow
	Restrennow kelmys war Gemmyn Wikimedia

Sagittarius ew ranneves, onan a'n 88 aswonys gen an Unyans Steroniethek Keswlasek (IAU). Onan ew a 48 ranneves an stergelgh renkys gen steronydh a'n 2yl gansledhen Ptolemy. Hy arwodh steroniethel koth ew (♐︎). Hy hanow ew an Latin rag "sether". Representys ew Sagittarius en venowgh gen centaur ow tedna gwarak. Ma Sagittarius ow sevel tredh Scorpius hag Ophiuchus dhe'n west ha Microscopium dhe'n est.

Kres an Hens Sen Jamys ew desedhys en radn howlsedhas Sagittarius. Drefen hedna, ma lies bonni ha niwlen ster enni. En despit dhe'y hanow, nag ew α Sgr (Rukbat, glin an sether) an steren spladna e'n ranneves, spladnvraster 3.96. An spladna ew Epsilon Sagittarii (ε Sgr) ("Kaus Australis," po "radn soth an gwarak"), gen spladnvraster a 1.85.

Sagittarius a gomprehend diw gomolen ster meur. An Gomolen Ster Meur ew tiredh spladna an Hens Sen Jamys. Ema dhe'n Gomolen Ster Bian po Messier 24 spladnvraster a 2.5.EYn Sagittarius ma lies niwlen ster, pekar ha Messier 8 (Niwlen Ster Morlydn), Messier 17 (Niwlen Ster Omega) ha Messier 20 (Niwlen Ster Trifid).

Ema an bednfenten radyo komplek Sagittarius A ow sevel en Sagittarius ewedh, ogas dh'y or gen Ophiuchus. Steronydhyon a gryj bos onan a'y gesradnow, aswonys avel Sagittarius A*, kevradnek gen toll du kowrek en kres an galaksi, gen gronnedh a 2.6 milvil gronnedh an Howl.