Apus (ranneves)

Dhyworth Wikipedya, an godhoniador rydh
Jump to navigation Jump to search

Apus yw ranneves aswonnys avel onan a'n 88 aswonnys gans an Unyans Steroniethek Keswlasek (IAU).

Yma Apus y'n hantergylgh soth, ha delinys o yn kynsa gans Petrus Plancius war bel nevek yn 1598, ha war vappa ster gans Johann Bayer yn 1603. Apus yw onan a'n dewdhek ranneves dyllys yn kynsa gans Petrus Plancius, diworth miransow gwrys dres eskerdh kenwerth Iseldiryek dhe'n Est. An hanow o yn kynsa Paradysvogel Apis Indica, henwys a-wosa edhen paradhis, ha Plancius a wrug kamm Apis (Latinek: gwenenen) rag Avis (Latinek: edhen). An hanow o chanjys yn oberow Johannes Kepler dhe Apus. An hanow Apus a dheuth diworth an Grek apous a wra styrya "heb treys". Lies den yn Europ y'n termyn na, a grysis an ydhyn paradhis ny'jeves treys, drefen an treys ha'n eskelli o removys kyns i dhe weles an samplow.

Nebes byghan yw, an 67ves a 88 yn arebenedh war an ebrenn, ha'n ster ynni yw gwann, an huni moyha hy splannder Alpha Apodis a'n jeves moghheans +3.8. Ogas dhe'n Aghel Nevek Soth, gans deklinyans ynter -67° ha -83°, ytho anweladow yw diworth dorlesow y'n hantergylgh kledh, ha gwladow puprys diworth rann meur a'n hantergylgh soth.

Delinyans Linenn Du war paper gell, gans edhen heb treys ha trihorn gans nebes ster
Rann a Uranometria gans Johann Bayer (1603) , a dhiskwedh an rannevesow Apus, Chamaeleon, Musca (labellys "Apis", an Gwenenen), ha Triangulum Australe, ha'n Aghel Nevek Soth.


Apus constellation map.svg
Ensampel a ranneves Edit this on Wikidata
Dydhyas diskudhans 1598 Edit this on Wikidata
Commons page Restrennow kelmys war Gemmyn Wikimedia