Ursa Major (ranneves)

Ensampel a	ranneves
Rann a	hantergylgh nevek an gogledh
Synsys ynno/i	An Arader
	Restrennow kelmys war Gemmyn Wikimedia

Ursa Major ew ranneves, onan a'n 88 aswonys gen an Unyans Steroniethek Keswlasek (IAU). Onan a'n 48 ranneves renkys gen Ptolemy e'n 2a kansvledhen OK ew. Hedhyw hei ew an treja moyha a'n 88 ranneves arnowydh.

Ursa Major ew pur aswonys drefen hy chif seyth steren, hag a furv asterism gelwys an "Big Dipper," "an Garven," "Karr Arthur," po'n "Arader," emesk henwyn erel. Usys ew diw steren, Dubhe ha Merak (α Ursae Majoris ha β Ursae Majoris), rag diskudha teller steren an Pednaghel, Polaris en Ursa Minor.

An steren 47 Ursae Majoris ew haval ort an Howl hag ema dhe hei system a dri flanet. 47 Ursae Majoris b, diskudhys en 1996, a resek a-dro dhe hei pub 1078 dedh ha'y gronnedh ew 2.53 gweyth gronnedh Yow; 47 Ursae Majoris c, diskudhys en 2001, a resek a-dro dhe hei pub 2391 dedh hag ew 0.54 gweyth gronnedh Yow; 47 Ursae Majoris d, a veu diskudhys en 2010, hag ansertan ew hy resegva, tredh 8907 ha 19097 dedh; hy gronnedh ew 1.64 gweyth gronnedh Yow. Ma dhe'n steren spladnvraster 5.0 gen pellder a 46 bledhen wolow a'n Norvys.

Desedhys ew hwegh taklen Messier e'n ranneves ma. Messier 81 ew onan a'n galaksiow spladna e'n ebron. M101 (An Galaksi Pinwheel) ew galaksi troyllyek 25 milvil vledhen wolow dhort an Norvys. Ervirys veu usya radn a Ursa Major rag tedna skeusen dhown "the Hubble Deep Field" gen Teleskop Efanvos Hubble en 1995.

Gwelys ew Ursa Major en lymnans gen Vincent van Gogh "A starry night over the Rhone". Usys ew delinyans a'n ranneves rag baner Alaska.