Serpens (ranneves)

Ensampel a	ranneves
Synsys ynno/i	Serpens Caput, Serpens Cauda
Restrennow kelmys war Gemmyn Wikimedia

Serpens ew ranneves, onan a'n 88 aswonys gen an Unyans Steroniethek Keswlasek (IAU). Hy hanow ew Latin rag sarf. Onan a'n 48 ranneves restrys gen Ptolemy e'n 2a kansbledhen, dibarow ew drefen bos rynnys dhe dhiw radn, Serpens Caput (Pedn an sarf) ha Serpens Cauda (Lost an sarf) gen ranneves Ophiuchus (Deger an sarf) tredhans.

Steren spladna Serpens ew an gowrsteren rudh Alpha Serpentis, po Unukalhai, en Serpens Caput, spladnvraster 2.63. Ewedh en Serpens Caput ema krenvonni Messier 5 , gwelys gen dewlagas, keffrys ha ster varyansel R Serpentis ha Tau⁴ Serpentis. En-mes a Hens Sen Jamys ema "Seyfert's Sextet", onan a'n bonniow galaksi doosa aswonys; Arp 220, galaksi isrudh fest spladn; ha Taklen Hoag, galaksi besow tanow.

Ma radn a blayn an Hens Sen Jamys ow mos dre Serpens Cauda, hag ew leun a daklow galaktek, pekar ha Niwlen Ster an Er (IC 4703) ha'n bonni ogas Messier 16. Ma Niwlen Ster an Er ow musura 70 bledhen wolow gen 50 bledhen wolow hag a gomprehend "an Kolovednow Gwrians", teyr homolen a bolter, meur a vri drefen an skeusen tednys gen Teleskop Efanvos Hubble; Niwlen Ster Pedrek Rudh (onan a nebes taklow steroniethel gen shap pedrek); ha Westerhout 40, tiredh furvya ster bras hag ogas.

• 
  Delinyans a Ophiuchus ha Serpens a 1825
• 
  Serpens Caput e'n eborn
• 
  Messier 5
• 
  "Seyfert's Sextet", bonni a alaksiow
• 
  Arp 220
• 
  Galaksi besow Taklen Hoag
• 
  An skeusen a vri a Niwlen Ster an Er, tednys gen an Pellweller Hubble
• 
  3C321 - dew alaksi ow junya

Ma an erthygel ma usya an Furv Skrifys Savonek a-barth Kernowek diwedhes.