Vulpecula (ranneves)
 | |
| Ensampel a |
ranneves  |
|---|---|
| Dydhyas diskudhans |
1683 |
| Rann a |
hantergylgh nevek an gogledh |
 Restrennow kelmys war Gemmyn Wikimedia | |
Vulpecula yw ranneves gwann yn ebron an gogledh. Y hanow a styr 'lowarn byghan'. Aswonnys veu y'n kynsa prys y'n 17ves kansvledhen. Nyns eus steren moy golow ages an 4ves splannvraster y'n ranneves. Steren voyha golow an ranneves yw Alpha (Α) Vulpeculae, kowrsteren rudh, splannvraster 4.4 gans pellder a 297 bledhen-wolow. Diskudhes veu an pulsar kynsa (PSR B1919+21) yn 1967 gans Jocelyn Bell Burnell yn Vulpecula. An ranneves a gomprehend an 'Niwlen ster Pos Lyfftya' po Dumbbell Nebula, niwlen ster veur diskudhys gans Charles Messier yn 1767. Hi a gavas an niver M27 yn rol y niwlennow ster.
Hanow kynsa an ranneves o Vulpecula cum ansere, henwys yn kynsa gans Johannes Hevelius, po 'lowarn byghan ha goodh'. Perthys kov yw an hanow ma gans hanow an steren voyha golow (A Vulpeculae), hemm yw 'Anser' po goodh.
Galaksi yn Vulpecula yw NGC7052, gans shap hirgylghek, hag a gomprehend toll du kowrek gans gronnedh a 220-630 milvil weyth myns an Howl.
-
Niwlen ster Pos Lyfftya (Dumbbell Nebula) -
Mappa koth an ranneves Vulpecula cum anser -
Galaeth NGC7052, desedhys yn Vulpecula (skeusen Pellweller Hubble)
| |||||