Virgo (ranneves)

Ensampel a	ranneves, ranneves y'n stergylgh
	Restrennow kelmys war Gemmyn Wikimedia

Virgo yw ranneves aswonnys avel onan a'n 88 aswonnys gans an Unyans Steroniethek Keswlasek (IAU). Onan yw a 12 ranneves an stergylgh. Hy hanow a styr gwerghes yn Latin. An Howl a sev yn Virgo a vis Gwynngala diwedhes bys dhe dhiwedh mis Hedra, hemm yw termyn kehysnos kynnyav. Virgo yw an nessa moyha ranneves y'n ebron. Yn hwedhlow nebes gonisogethow, hy a dhelin duwes justis po trevas.

α Virginis, henwys Spica (penn ysen) yw steren laswynn a splannvraster 1.0, gans pellder a 260 bledhen wolow. Gans Arcturus ha Denebola, Spica a furv an Trihorn Gwenton.

Eksoplanettys[golegi | pennfenten]

Aswonnys yw 35 eksoplanet ow resek a-dro dhe 29 steren yn Virgo, ow komprehendya PSR B1257+12 (tri flanet), 70 Virginis (unn planet), 61 Virginis (tri flanet), NY Virginis (two planets), ha 59 Virginis (unn planet). An steren 70 Virginis a's teves onan a'n kevreythyow planettys a veu aswonnys kynsa, gans unn planet 7.5 gweyth gronnedh Yow.

Steren Chi Virginis a's teves onan a'n planettys moyha diskudhys bythkweth, gans gronnedh 11.1 gweyth Yow.

An steren 61 Virginis, hevelep orth an Howl, a's teves tri flanet, onan yw kowr-Dor ha dew yw myns Nevyon.

Bagas Galaksiow Virgo[golegi | pennfenten]

Drefen bos bagas galaksiow desedhys y'n ranneves ma (henwys an Bagas Virgo) 5° dhe 12° west a ε Vir (Vindemiatrix), yma lies taklen ebron es aga gweles ynni. Unnek anedha yw Taklow Messier. Messier 49 (hirgylghek), Messier 58 (troyllyek), Messier 59 (hirgylghek), Messier 60 (hirgylghek), Messier 61 (troyllyek), Messier 84 (gwedrikel), Messier 86 (gwedriekl), Messier 87 (hirgylghek ha pennfenten radyo a vri), Messier 89 (hirgylghek) ha Messier 90 (troyllyek). Galaksi aral a vri nag yw rann a'n bagas yw An Galaksi Sombrero (M104), galaksi troyllyek koynt. Desedhys yw 10° west a Spica.