Taurus (ranneves)

Dhyworth Wikipedya, an godhoniador rydh
(Daskevarwodhys dhyworth Taurus)
Ensampel a ranneves, ranneves y'n stergylgh Edit this on Wikidata
Synsys ynno/i Aldebaran Edit this on Wikidata
Commons page Restrennow kelmys war Gemmyn Wikimedia

Taurus yw ranneves aswonnys avel onan a'n 88 aswonnys gans an Unyans Steroniethek Keswlasek (IAU). Ranneves veur hag apert yw hag onan a 12 ranneves an stergylgh. An ger "taurus" a styr 'tarow' y'n yeth Latin, ha respresentys yw avel tarow yn mythologiethow Hen Sumer, Akkad, Assyria, Babylon, Egyp, Pow Grek ha Rom. An hen arwodh ragdho yw (♉︎), hevelep orth penn tarow.

Yma niver a nasow yn Taurus a vern dhe steronydhyon. Yma dew a'n bonniow ster ygor nessa dhe'n Nor yn Taurus, hemm yw an Pleiades ha'n Hyades. Y hyllir gweles an dhew heb pellweller. Steren splanna an ranneves, Aldebaran yw kowrsteren rudh 65 bledhen wolow a'n Howl gans splannvraster ow varya ynter 0.75-0.95. Messier 1 yn rann north-est an ranneves yw remenans ughnova, ha dell yw usys gelwys yw Niwlen Ster an Kanker. Komplek Taurus-Auriga yw onan a'n ranndiryow nessa a furvyans ster. Hanow an klass a ster T Tauri a dheu dhyworth an steren yn Taurus.