Rewliv

Klass	gorher rew, perennial ice or snow‐covered land
Rann a	menydh
Synsys ynno/i	lappa rewlivel, pennrewliv
	Restrennow kelmys war Gemmyn Wikimedia

Rewliv ew korf termyn hir a rew uji ow kwaya prest drefen y boos y honan.

Ma rewlivow ow furvua lebma thew kreunans an ergh moy ages ablasyans dres lies bledhen, en venowgh kansvledhydnyow. En lent ma rewlivow ow tifurv ha frosa drefen aga foos. Ma hebma ow furvya krevassow, seracs, ha rewlambow. Anjei a skravinas karrek hag atal a-dan an rewliv ha gwwruthyl tirfurvow pekar ha kommow, marianow po fyordow. Rewlivow a furv war an tir hepken, etho dyffrans enjei dhe vorrew.

War an Nor, 99% a rew rewlivek ew komprehendys a-ji lienyow rew (aswonys ewedh 'vel "rewlivow brastiryel") en tiredhow pedneghlek, bes rewlivow ew kevys en kadonnow menedhyow war bub brastir a-der Ostrali.

Rew rewlivek ew an kreun moyha a dhowr fresk (69% a dhowr fresk an bes ew en lienyow rew). Drefen bos mas rewlivek effeythys gen chanjys hir e'n ayredh, r.e. kodhans, tempredh kresek ha gorher komol, chanjys en mas rewlivow ye an finna menegoryon a janj ayredhek, ha kaws meur a varyansow en level an mor.

Sortow a rewliv

Klassys ew rewlivow herwydh aga shap, myns, gnasow tesel hag omdhegyans.

Rewlivow Alpek

Rewlivow Alpek: Rewliv hag a furv war doppow ha ledrow menedhyow heb gorheri oll an tirwedh .
Pansow erghtewedha: Tiredh bian a synj ergh dres an vledhen, hag a dhispleg dhe rew.
Rewliv komm: Rewliv komm ew an sewyans a erghtewedha, owth usya nans shap bolla uhel e'n menedhyow.
Rewlivow nans: Ma rewlivow komm ow tevi ha junya warbarth rag furvya rewlivow nans.
Krogrewliv: Krogrewliv ew rewliv komm hag ew ogas dhe vanshya.

Pansow erghtewedha a-ugh rewliv nans Athabaska, Kanada
Klout ergh, arwodh a erghtewedha
Rewliv nans, an Grosser Aletschgletscher, Swistir
Rewliv komm, Rewliv Lower Curtis en Stat Washington, Statys Unys
Rewlivow komm ha nans
Krogrewliv, Rewliv Angel, Kanada

Rewlivow Brastiryel

Rewliv brastiryel: Rewliv a worheri ogas dhe oll an tirwedh.
Kappa rew: Korf a rew a worher an brassa radn a'n tirwedh ew kappa rew. Ma dhe gappa rew myns le ages 50,000 km² (19,000 mildir²).
Rewliv piedmont: Rewliv a dheu dhort kappa rew ha lesa ort drehedhes an iseltiryow ew gelwys rewliv piedmont.
Rewliv dowr mortid: Mar hwrelho rewliv dhort kappa rew drehedhes an mor, henwys ew rewliv dowr mortid (tidewater glacier) Darnow a rew a derr dhe ves avel menedhyow rew.
Lien rew: Korfow rewlivel moy ages 50,000 km² (19,000 mi²) ew gelwys lienyow rew. Anjei a ell bos nebes km a dhownder ha nunantakow ew an udnik darnow a dir a-ughta. An udnik lienyow rew a-lebmyn ew Antarktika ha Greunland. Mar teffo an dhew lien rew dhe deudha, levelyow ollvysek an mor a via derevel moy ages 70m.
Estyllen rew: Ma darnow a lien rew owth ystydna dhe'n mor ew gelwys estyll rew. Dell ew usys tanow enjei.
Fros rew: Ma radn ydn a lien rew a way en uskis ew fros rew. Anjei a hembronk dhe estylli rew po gwakhe dhe'n mor en syth avel rewliv tardhell.

Lien rew Antarktika
Kappa rew, Vatnajökull en Rewenys
Efander morrew a-dro dhe Antartktika
Estyllen rew Ross

Rewlivow Godobm hag Yeyn

Possybyl ew dhe glassa rewlivow herwydh studh aga selyow. Mar kell dowr teudh drehedhes goles an rewliv dre gowfordhow ha krevassys, ma moy a loub en-dadn an rew hag an rewliv a ell gwaya en esya. Hebm ew gwir en arbednek gen rewlivow Alpek. Nebes lienyow rew ew stag drefen aga bos rewys dhe'n garrek weli.

Ma an erthygel ma usya an Furv Skrifys Savonek a-barth Kernowek diwedhes.