Kodhans

Dhyworth Wikipedya, an godhoniador rydh

Kodhans yw an hanow rag dew argerdh. Yn kymygieth, kodhans yw gluthans soled dhyworth teudhans dres dasoberyans kymyk. Yn keweronieth kodhans yw askor gluthyans ethen dowr y’n ayrgylgh. Ev a hwer yn niver a furvow: i a gomprehend glaw munys, glaw, erghlaw, ergh ha keser. Kodhans a hwer pan yw an ayr kowllybys gans ethen dowr (leythedh kehevelys a 100%), dell yw usys awos yeynhe.

Kodhans kober klorid yn teudhans trenken askorbik

Musurys yw kodhans rag devnydh musurell glaw. An musurans yw yn mm, herwydh usadow.

Furvyow kodhans keweroniethel[golegi | pennfenten]

Kodhans a yll furvya rag teyr skila.

  • Ryb an kehysedh, tempredhow ughel a gaws ayr dhe omsevel ha yeynhe dhe'n poynt gluth. (Glaw dardhegyansel)
  • Dres menedhyow, res yw dhe ayr omsevel ha yeynhe dhe'n poynt gluth. (Glaw tirwedh)
  • Pan wra ayr yeyn dhyworth an pennow-aghel hag ayr tomm dhyworth an kehysedh metya, ayr tomm skaffa a omsav dres ayr yeyn poosa ha yeynhe dhe'n poynt gluth. (Glaw tal)

Kodhans kresek a yll diskwedhes meur a varyans dres enep an bys. Hemm yw drefen patronyow menydhyow, morfrosow ha kylghresyas aur y’n ayrgylgh. Dell yw usys, Kernow a gemmer ynter 1050mm ha 1300 mm a law an vledhen, glyppa ages ranndiryow dyghow Pow Sows, drefen y savle war arvow an Keynvor Iwerydh. Byttegyns, kemmyn yw kewer dynn , kepar ha hager-awel ha Liv Kastell Boterel 2004.

Lavarow gwerin[golegi | pennfenten]

  • Dhort an glaw bys e'n dowrlabm - out of the frying pan and into the fire
  • Towlys en dowrow peryllus - thrown in at the deep end

Mosen kodhans[golegi | pennfenten]

Kedhlow hin rag Bude 15m asl, 1971–2000, Pellaow 1960–
Mis Gen Hwe Meu Ebr Me Met Gor Est Gwy Hed Du Kev Bledhen
Kodhans kresek cm (inches) 97.6
(3.84)
76.4
(3.01)
68.7
(2.70)
55.0
(2.17)
51.6
(2.03)
57.2
(2.25)
54.9
(2.16)
70.6
(2.78)
81.0
(3.19)
98.2
(3.87)
105.2
(4.14)
106.2
(4.18)
922.6
(36.32)
Source 1: Met Office[1]
Source 2: Royal Dutch Meteorological Institute[2]
  1. "Bude Climate". UKMO. http://www.metoffice.gov.uk/public/weather/climate/bude#?tab=climateTables. Kodhans
  2. "Bude extremes". KNMI. http://eca.knmi.nl/utils/mapserver/anomaly.php?indexcat=**&indexid=TNn&year=1962&seasonid=18&create_image=true&minx=-1111428.5714287&miny=-4687142.8571429&maxx=621904.76190476&maxy=-3387142.8571428&MapSize=560%2C420&imagewidth=560&imageheight=420&mainmap.x=243&mainmap.y=372&CMD=QUERY_POINT&CMD=QUERY_POINT#bottom. Kodhans