Marian
.JPG) | |
| Klass |
tirfurv rewlivek  |
|---|---|
 Restrennow kelmys war Gemmyn Wikimedia | |
Marian ew tobmen a rewtinyow godhasys gen rewliv. Drefen myns ha nerth an rewliv, ev a ell karya stoff a bub myns, dhort tewes ha pri dhe vili meur, hebm ew rewtinyow.
Marianow ew godhasys en niver a delleryow dyffrans.
Pednmarian
[golegi | pennfenten]An brassa radn a'n godhasa a hwer war bedn isella an rewliv, en tobmen meur henwys pednmarian (Sowsnek: terminal moraine). Ma an pednmarian ow tiskwedhes an teller pella drehedhys gen an rewliv. Pan hwrelha an rewliv dalleth teudha, an pednmarian a ell bos arge dhe'n dowr a fros dhort an rewliv. Etho furvyes ew lydn ragrewlivek.
Pendmarian Rewliv Wordie en Greunland
Telleryow pednmarianow en Pow Finn
Selvarian
[golegi | pennfenten]Keffrys ha'n pednmarian, ma godhasans en-dadn an rewliv plastrys a-dreus an tir (selvarian). Gelwys ew hebma ground moraine en Sowsnek. Selvarian a furv breow bian po gwastatiryow leven. Radn nodho ew stoff herdhys gen an rewliv ha radn rewtiryow teudhys pan wrelho an rewliv kildedna. Furv a selvarian ew brodn.
Selvarian
Selvarian en Lydn Louise, Kanada
Marian tenewen
[golegi | pennfenten]Ma karrygi terrys dhyort tenwednow an nans gen ober rewi-teudhi ow kodha avel radel dhe denewen an rewliv. An rewliv ewedh a herdh rewtinyow lows dhe'n tenwednow. Hebm a furv marian tenewen.
Marian kres
[golegi | pennfenten]Pan wrelho dew rewliv metya, ma an marianow tenewen ow junya rag furvya marian kres. Tus a ell gweles marianow kres vel skethow tewl a-hys an rewliv.
Marian ughrewlivek
[golegi | pennfenten]Marianow ughrewlivek ew furvyes gen rewtinyow kuntellys war bedn an rewliv. Hebm a ell hwarvos drefen liv an rew tro'ha'n enep e'n barth ablasya, teudha a wra rew enep po radel ow kodha war an rewliv dhort fosow tenewen an nans U.
Marian ughrewlivek war bedn an Revliv Athabaska en Kanada. (Notyewgh an kyttrinyow tornyji war an rewliv)
.jpg)
Ma an erthygel ma usya an Furv Skrifys Savonek a-barth Kernowek diwedhes.