Bronn (tirfurv rewlivel)

Rag usyansow erel, y hweller Bronn (klerheans)

Klass	bre, marian
Restrennow kelmys war Gemmyn Wikimedia

Bronn (Sowsnek: drumlin) yw tirfurv rewlivel furvyes yn-dann lien rew pa wrello an rew shapya selvarian dhe vreow rond byghan (ughelder le ages 20m). Gwrys yns i dhyworth rewtinyow. Tri chif tybyans a eksist dhe dhisplegya aga furvyans.

• Dowr teudh yn-dann an rewliv a weres an rewliv dhe guntel stoffow lows war-barth.
• Esknians a stoff lows dhyworth unn ranndir yn-dann an rewliv a styr bos bronn furvyes yn-nans an rewliv dhyworto.
• Liv hujys a dhowr teudh yn-dann an rewliv a yll kuntel stoff lows war-barth.

Martesen pub tybyans a yll bos ewn yn tylleryow dyffrans.

Bronnek

An ger 'bronnek yw usys dhe dheskrifa ranndir meur a vronnow. An term Sowsnek yw basket of eggs topography. Kemmyn yw an tirwedh ma yn rannow a Gledhbarth Pow Sows, Kledhbarth Iwerdhon, Swistir, Kanada ha'n Statys Unys, ha Patagonia.

• 
  golinyans ow tiskwedhes fatel wra bronnow furvya owth enebi an keth tu
• 
  Bronnow yn Almayn soth
• 
  Bronnek yn Kledhbarth Iwerdhon
• 
  Bronnow yn Northumberland
• 
  Bronnek yn stat Evrek Nowydh, Statys Unys