Lydn ragrewlivek
 | |
| Klass |
lynn naturel, lynn rewlivel  |
|---|---|
 Restrennow kelmys war Gemmyn Wikimedia | |
En dororieth, lydn ragrewlivek ew lydn furvyes po drefen pednmarian dhe oberi avel arge pan wrello rewliv kildedna (hebm ew arge rew rewlivek), po drefen bos an tir ogas dhe lien rew iselhes gen poos an rew, hag ema an pans ow lenwel gen dowr. Ort diwedh an Oos Rew diwettha nanj ew a-dro dhe 10,000 bledhen, lydnow bras ragrewlivek o gnas tipek en hanterkelgh an gogledh.
Gwayans rewliv a ell mos war woles nans dhe gemper, lebmath ew ryver direwys e'n nans aral. Ma an rewliv ow lettya an ryver ow kawsya lydn ragrewlivek. Wortiwedh ma an lydn ow korliva po terri an arge rew, ow livra an dowr avel liv bras dres eghen henwys jökulhlaup (dhort y hanow Rewenysek). Niver a'n brassa livow rewlivek en istori Amerika north o dhort Lynn Agassiz.
Nanj ew a-dro dhe 13,000 bledhen en Amerika north, an lien rew Cordilleran eth dhe'n dyhow a'n 'Idaho Panhandle', ow furvya arge rew meur a lettyas aber an ryver Clark Fork, hag a wrug lydn kowrek 2,000 tros-hes a dhownder ow komprehendya moy ages 500 mildir kubek a dhowr. Wortiwedh an lydn ma (Lynn Missoula) a wrug tardha dre'n arge rew, ow frosa dhe'n mor gen kevradh fros degweyth moy ages oll ryvers an bes war-barth.
██ Lien Rew Cordilleran
██ Efander moyha Lydn Missoula Rewlivelk (est) ha Lydn Columbia Rewlivek (west)
██ Tiredhow skubys gen an livow Missoula ha Columbia
_use_fileTeller_and_Leverington,_2004.jpg)
An vosen a sew ew rol a ryvers ha ganja argeow rew en neb termyn.
| Lydn/Ryver | Teller | Dedhyas | Fros moyha (106 m3/s) | Dustuni |
|---|---|---|---|---|
| Dowr Kuray | Altai, Russi | Pleistocen Diwedhes | 18 | Baker et al., 1993 |
| Lydn Missoula | Statys Unys north-west | Pleistocen Diwedhes | 17 | O'Connor and Baker, 1992 |
| Lydn Darkhat | Mongoli | Pleistocen Diwedhes | 4 | Rudoy, 1998 |
| Lydn Jassater | Altai, Russi | Pleistocen Diwedhes | 2 | Rudoy, 1998 |
| Lydn Yaloman | Altai, Russi | Pleistocen Diwedhes | 2 | Rudoy, 1998 |
| Lydn Ulymon | Altai, Russi | Pleistocen Diwedhes | 1.9 | Rudoy, 1998 |
| Lydn Regina | Saskatchewan. Kanada | Pleistocen Diwedhes | 0.8 | Lord and Kehew, 1987 |
| Dowr Wabash | Indiana, Statys Unys | Pleistocen Diwedhes | 0.27 | Vaughn and Ash, 1983 |
| Lydn Agassiz | Statys Unys north-west | Pleistocen Diwedhes | 0.13 | Matsch, 1983 |
| Dowr Porcupine | Alaska, Statys Unys | Pleistocen Diwedhes | 0.13 | Thorson, 1989 |
| Fyord Russell | Alaska, Statys Unys | 1986 | 0.10 | Mayo, 1989 |
Ma an erthygel ma usya an Furv Skrifys Savonek a-barth Kernowek diwedhes.