Komm

Klass	nans
Synsys ynno/i	Lynn komm, Tarn (Gewässer)
	Restrennow kelmys war Gemmyn Wikimedia

Komm yw sort a nans rewlivel kevys y'n menydhyow. Gelwys yns i gans niver a henwyn yn yethow erel:

cwm yn Kembrek
coire yn Albanek
corrie yn Sowsnek
cirque yn Frynkek

Eskniys yw kommow gans an argerdhow a dhestryppya ha skravinas. An rewliv a wra rewi dhe gilfos an komm, ha tenna stockys a garrek dhe ves pan ello yn nans an leder. Hemm yw destryppya. Poos an rewliv a wask an karrygi erbynn an garrek weli, ow rutya ha polsya an garrek. Hemm yw skravinas. Yntredha, i a eskni komm gans shap bolla. Yma dhe'n komm kilfos serth ha tenwennow serth. Yntra dew gomm yw desedhys krib gul hag a-dryv dhodho menydh trihornek gelwys korn.

Wosa an rewliv komm dhe deudhi, lenwys yw goles an komm gans lynn komm (tarn yn Sowsnek). Yma lies ensampel a gomm yn menydhyow Kembra, Pow an Lynnyn, Ugheldiryow Alban, keffrys ha ranndiryow a ugheldir yn lies rann a'n bys.

Komm Glaslyn dhyworth Crib Goch (Krib Rudh) war an Wodhva, Kembra
Horn margh an Wodhva dhyworth Moel Siabod
Komm Red Tarn war Helvellyn, Pow an Lynnyn
Western Cwm (Komm an Howlsedhas), Menydh Everest
An Garbh Choire war venydh Braeriach, Park Kenedhlek a' Mhonaidh Ruaidh, Alban
Kommow war an ughella menydh yn Iwerdhon, Corrán Tuathail