Pow an Lynnyn

Dhyworth Wikipedya, an godhoniador rydh
Jump to navigation Jump to search
Ardal y Llynnoedd
Keswick Panorama - Oct 2009.jpg
Sort kadon menydhyow, geographic region Edit this on Wikidata
Doronieth
Ranndir gwithans Park Kenedhlek Pow an Lynnyn Edit this on Wikidata
Konteth Cumbria, Konteth Evrek North Edit this on Wikidata
Gwlas Ruvaneth Unys Edit this on Wikidata
Arenebedh 2,362 ±1 km² Edit this on Wikidata
A-ugh an mor 978 Edit this on Wikidata
Kesordnogyon 54.5°N 3.1667°W Edit this on Wikidata
Hys 55 Edit this on Wikidata
Menystrys gans Lake District National Park Authority Edit this on Wikidata
Studh ertach Ertachva an Bys UNESCO Edit this on Wikidata
Manylion



Tyller Park Kenedhlek Pow an Lynnyn (gwynn) a-ji Pow Sows a gledhbarth

Pow an Lynnyn, aswonys ynwedh avel Tir Lynnyn po an Lynnyn, yw ranndir menedhyek y'n north-west a Bow Sows. Gerys-da yw’n tyller ma rag dy’golyow, meur a vri awos y lynnyn, koswigow ha menedhyow. Kowethys yw gans awtours kepar ha William Wordsworth, Samuel Taylor Coleridge, Beatrix Potter hag Arthur Ransome. Fondys veu Park Kenedhlek Pow an Lynnyn yn 1951, gans arenebedh a 2,362 kilometer pedrek. Apoyntys veu avel Ertachva an Bys UNESCO yn 2017. Dres 15 milvil a dus a dheu dhe’n Park Kenedhlek pub bledhen.

Desedhys yw Pow an Lynnyn oll yn konteth Cumbria. Kyns 1974 rynnys o an ranndir ynter tri konteth koth, h.y. Cumberland, Westmorland ha Konteth Karhirbre (Lancashire yn Sowsnek).

Panorama dhyworth topp Scafell Pike, mis Est 2007
Magnify-clip.png
Panorama dhyworth topp Scafell Pike, mis Est 2007

Oll an tir ughel yn Pow Sows dres 3,000 tros-hys (914 m) a-ugh nivel an mor a sev a-ji an Park Kenedhlek, ow komprendya Scafell Pike,an menydh ughella Pow Sows. Ev a gomprehend an lynn downa ha’n lynn moyha yn Pow Sows, h.y. Wast Water ha Windermere yn kettep penn.

Komplek yw dororieth Pow an Lynnyn. Batholith a wrowan yn-dann an ranndir re gawsas an menedhyow hag yw gwrys dhyworth leghven, kerrygi loskvenydhyek ha leysveyn.

Mappa dororiethel a Bow an Lynnyn, ow tiskedhes an chyf kesweythow a tylleryow monow

Pur lyb yw hin Pow an Lynnyn, gans an tyller glyppa yn Pow Sows, Seathwaite, gans 3,300 mm a law yn kresek pub bledhen. Pur wynsek yw ynwedh ha toppys an menedhyow a gyv awelyow dres 100 dedh an vledhen yn kresek. Yn despit dhe hemma, klor yw tempredhow dell yw usys. Awos an hin, maga deves a wra bargennyow tir Pow an Lynnyn. Herdwick ha Rough Fell yw an chyf eghennow.

Derwent Water, onan a 21 lynn meur yn Pow an Lynnyn
Magnify-clip.png
Derwent Water, onan a 21 lynn meur yn Pow an Lynnyn