Legh

Ensampel a	men
Klass	karrek dreusfurvek, karrek shistek
	Restrennow kelmys war Gemmyn Wikimedia

Legh ew karrek dreusfurvek gen gwrisow munys, ha gwiasedh folsys. Devedhys ew dhort karrek wodhasek vel kyllas komposys a bri po lusow volkanek dre dreusfurvyans gradh isel, hebm yw, gwaskedh ha tobmder temprys. Nag eus res dhe'n folsans sewya patron an gweliow godhasek gwreydhek drefen an treusfurvyans dhe rei patronyow nowydh dhe'n garrek. Shist ew ehen a garrek dreusfurvek gen folsans ewedh.

Possybyl ew dhe usya an folsans rag askorra platys tanow a garrek, usys a-dhia termyn hir rag tohow po leuryow.

Legh a hwer en varyans a liwyow: loos ew pur gembyn, bes purpur, glas ha glaswyrdh a hwer en Kembra north, gwyrdh en Pow an Lydnow ha glas/loos ew legh Delyow Boll en Kernow.

Usyes

Usys ew legh chei en lies pow, ken thew prileghednow moy meurgerys en nebes tiredhow. YMa tus owth usya an legh possa rag leuryow (en mes hag a-ji dhe'n chei). Usys enjei ewedh rag arvwisk po krohen derevyans, hag en Kembra ma derevyansow kowal a legh. Legh tew ew usys rag bordys snooker ha bordys arbrovjiow, lebma thew y dhefens dhe janjys tempredh ha kemygednow dhe les. E'n termyn eus passyes usys o en skolyow rag bordhow du ha legh skrifa.

Telleryow

An brassa radn a legh hedhyw a dheu dhort Spayn, bes Kembra, Kernow (Delyow Boll), Pow an Lydnow, hag Alban west o posek e'n termyn uji passyes. Brasil, China ha'n Statys Unys (lies mengleudhyer a dhivroas a Gembra dhe Vermont, Virjynni ha Mayn e'n 19ves kansvledhen) ew posek ewedh hedhyw.

Apoyntys veu tiredh legh Kembra north vel Ertachva an Bes UNESCO en mis Efan 2021.