Nansow Legh Kembra North

Diwysyans legh yn Kembra
Sort	tremynnow a ranndir doroniethel
Doronieth
Tyller	Kembra
Konteth	Gwynedd
Gwlas	Ruvaneth Unys
	Restrennow kelmys war Wikimedia Kemmyn
	[edit on Wikidata]

Nansow Legh Kembra North ew ertachva an bes UNESCO desedhys en Kembra North, onan a deyr ertachva UNESCO ena. Dowrbons Pontcysyllte ha Kastylli Metern Edward 1a en Gwynedd ew an dhew aral. Apoyntys veu en mis Efan 2021 woja displegyans a brofyans deg bledhen. Hi a gomprehend 7 teller:

Mengleudh Penrhyn ha Porth Penrhyn, Bethesda
Mengleudh Dinorwig
Nans Nantlle
Mengleudh Gorseddau ha Pennsevik Kembra, Cwm Pennant
Ffestiniog ha Porthmadog
Mengleudh Bryneglwys, Abergynolwyn ha Hyns-horn Talyllyn
Aberllefenni

An diwysyans legh a wrug tohow rag Breten Veur hag Europa a-dhia kres an 18ves kansvledhen. An legh a veu kemerys war for'ow kledhren dhort an mengleudhyow dhe borthow pekar ha Porthmadog, Porth Penrhyn ogas dhe Vangor ha Caernarfon. Pur bosek o rag erbysieth Kembra North-West gen moy ages 15,000 o oberoryon erbydn diwedh an 19ves kansvledhen. Dyffrans en tien dhe'n diwysyans glow en Kembra Soth o poos an tavas Kembrek. Oberoryon a wrug gweres fondya Universita Bangor ha synji gonisogeth Kembrek hy thavas.

Posek o an diwysyans rag displegyans kesunyansow lavur en Kembra woja astelyow ober meur diwedh an 19ves kansvledhen. Dres an 20ves kansvledhen an diwysyans a dheklinas. Dew vengleudh ew ygerys hwath, Mengleudh Penrhyn en Bethesda ha Mengleudh Llechwedd en Blaenau Ffestiniog.

Lebmyn posek ew an tiredh rag tornasyeth. Usys ew Mengleudh Penrhyn rag gwivrednow zypp, ha tednvos tornyji ew Mengleudh Llechwedd en Blaenau Ffestiniog. Desedhys ew an Gwithti Kenedhlek Legh Kembrek en Mengleudh Dinorwig keffrys ha kresen sedhi. Tednvosow tornyji ew niver a for'ow kledhren Kembra North pekar ha Hyns-horn Lynn Padarn.