Kastylli ha Fosow Tre Myghtern Edward yn Gwynedd
 | |
| Sort |
bagas a dhrehevyansow  |
|---|---|
| Fondys |
1280s |
| Doronieth | |
| Konteth |
Gwynedd, Kembra |
| Gwlas |
Ruvaneth Unys |
| Arenebedh |
6 ha |
| Kesordnogyon |
53.1397°N 4.2769°W |
 | |
| Studh ertach |
Ertachva an Bys UNESCO |
| Manylion | |
Kastylli ha Fosow Tre Myghtern Edward yn Gwynedd yw Ertachva an Bys UNESCO, desedhys yn Gwynedd, Kembra North. Hi a gomprehend an peswar kastell a Biwmares, Harlech, Caernarfon ha Conwy. Prederys yns dhe vos an ensamplow gwella a bennserneth kasorek an 13ves kansvledhen diwedhes ha 14ves kansvledhen a-varr. [1]
Istori
[golegi | pennfenten]Y'n 20ves kansvledhen aswonys veu an kastylli dre vras rag aga forpas kasorek. Termyn aga trehevyans re beu deskrifys avel ughelboynt drehevel kastylli Sowsnek gans D. J. Cathcart King. Hemm yw drefen aga devnydh a dhefens keskresek, barbikanow ha treven porth meur. Ynwedh, Sidney Toy a's deskrif avel "re a'n kastylli moyha gallosek dhyworth neb oos po pows". [2]
A-dhiwedhes, istorioryon avel Michael Prestwich hag Abigail Wheatley a boslev rann an drehevyansow ma avel palesyow hag arwodhyow gallos riel.
Dewisys veu tylleryow an kastylli yn Caernarfon ha Conwy drefen aga styr politek ha devnydh kasorek. I a gomprehend stevellow gorlanwesek ha lowarthow. Kastell ha fosow tre Caernarfon a's teva menweyth kostek, gwrys martesen dhe dewlel imach a allos Myghtern Arthur po an Emperoureth Romanek.
Rann an pennser riel (Jamys a Sen Jory) y'n drehevyans yw poynt a argya gans lies istorior, rag ensampel delanwes Savoy war y dhelinyansow. Deskrifys veu y'n pennfentynnyow avel “Magistro Jacobo de sancto Georgio, Magistro operacionum Regis in Wallia”, ow styrya “Mester Jamys a Sen Jory, Mester Oberyow an Myghtern yn Kembra.”[3]
Aswonvos
[golegi | pennfenten]Yn 1986 apoyntys veu an peswar tyller avel ertachva an bys UNESCO. Henwys yns avel "Kastylli ha Fosow Tre Myghtern Edward yn Gwynedd".
UNESCO a brederas an tylleryow avel an "ensamplow gwella a bennserneth kasorek an kansvledhen 13ves diwedhes ha 14ves a-varr yn Europa". [1] UNESCO ynwedh a leveris a-dro dhe boos aga hevrennow gans Edward I ha Jamys a Sen Jory, aga myns ha pennserneth kasorek avonsys, aga studh fest da ha dogvennow istorek. [4]
Kostow Mentons
[golegi | pennfenten]Kostow mentons an tylleryow veu £239,500 yn 2002–03. [5] "Tylleryow divommer" a veu apoyntys a-dro dhe'n kastylli. Aga forpas yw dhe witha an gwelyow ha tylleryow rag displegyans anewn.[6] Gwithys yw an tylleryow gans kemyskans a laghys 'Men Kov kovskrifys', 'Drehevyans Kovskrifys' ha 'Ranndir Gwithans'. T[7]
Mirva
[golegi | pennfenten]-
Yet North yn Fosow Tre Caernarfon -
Kastel Conwy, ha teyr fons 19ves ha 20ves kansvledhen -
Kastel Biwmares dhyworth an ayr, ow tiskwedhes y dhefens keskresek -
Kastel Harlech
Devynnow
[golegi | pennfenten]- ↑ 1.0 1.1 "Castles and Town Walls of King Edward in Gwynedd". UNESCO. https://whc.unesco.org/en/list/374. Kyrghys 15 November 2012.
- ↑ King 1991, t. 107; Toy 1985, t. 153
- ↑ TNA 372/131/26
- ↑ "Part 2: Significance and Vision". Cadw. pp. 44–45. http://cadw.wales.gov.uk/docs/cadw/publications/WHS_part_2_EN.pdf. Kyrghys 15 November 2012.
- ↑ "Part 2: Significance and Vision". Cadw. p. 56. http://cadw.wales.gov.uk/docs/cadw/publications/WHS_part_2_EN.pdf. Kyrghys 15 November 2012.
- ↑ "Part 2: Significance and Vision". Cadw. p. 61. http://cadw.wales.gov.uk/docs/cadw/publications/WHS_part_2_EN.pdf. Kyrghys 15 November 2012.
- ↑ "Part 2: Significance and Vision". Cadw. pp. 72–74. http://cadw.wales.gov.uk/docs/cadw/publications/WHS_part_2_EN.pdf. Kyrghys 15 November 2012.