Shist
| Restren:Chlorite schist.jpg, Almandin.jpg | |
| Klass |
karrek dreusfurvek, karrek shistek  |
|---|---|
 Restrennow kelmys war Gemmyn Wikimedia | |
An shistow ew bagas a garrygi treusfurvek gen monyow platek, pekar ha mika, klorit, talk, hornblende, grafit hag erel. Kanndir (po 'kwarts') a hwer en venowgh en gwrisow hir ma thew furvyes versyon gelwys shist kanndir. Shist a gomprehend moy ages 50% a vonyow hir ha platek, gen levelyow tanow a ganndir ha gwrisven (feldspar). Shist a gomprehend garnetow en venowgh.
Possybyl ew dhe weles an gwrysow monyow udnik en shist, gwres rag bos skansednow dre dobmder ha poos, gen an lagas noth. Dell ew usys shist a hwer en levelyow tanow. An ger shist a dheu dhort an Hen Greka σχίζειν (schíxein) ow styrya "folsa". Hebm a wra mencyon a'n es dell ell shistow bos folsys a-hys playn an garrek.
An brassa radn a shistow ew devedhys dhort priow ha leysyow effeythys gen kevres a brocessys treusfurvek ow komprehendya askorrans kyllasow, leghveyn ha fyllitow avel kabmow kres. Ma dhe nebes shistow devedhys dhort karrygi tanek gen gwrisow bian pekar ha basaltow ha tuffow. Mika ew an gwris skansek moyha kebmyn, bes grafit ha klorit ew kevys hwath.
Shistow ew gelwys herwydh aga monyow, pekar ha shist garnet, shist tredanven, shist glaukofan hag erel.
Kevys ew shist en Kernow en Lysardh. An shistow ma ew en dew vagas, shist hornblende ha shist mika. .
-
Golok a shist mika-garnet trehys -
Golinyans ow tiskwedhes an studhyow ma thew furvyes shist -
Dororieth Kernow, ow tiskedhes shistow en Lysardh -
Shist hornblende en Gogow Dowr, Lysardh -
Shist mika en Baya Housel, Lysardh
Ma an erthygel ma usya an Furv Skrifys Savonek a-barth Kernowek diwedhes.