Basalt

Ensampel a	rock type
Klass	karrek danek
	Restrennow kelmys war Gemmyn Wikimedia

Karrek gebmyn loos po du ew basalt. Herdhys ew en-mes a venedhyow tan. An lava ew rych en magnesiom ha horn. Etto ya monyow olivin ha pyroksen, ha drefen hedna tewl ew y liw. Ma dhe vasalt gwrisow munys drefen bos an lava yeynhes en skon war enep an Norvys. Basaltow liv (Sowsnek: flood basalts) ew kebmyn, furvyes gen lava ow frosa en-mes ha kaleshe.

War an Nor, an brassa radn a vagmaow ew furvyes dhort an mantel tobm teudh. Ma dhe vasaltow furvyyes ewedh war an Loor, Meurth, Gwener ha'n asteroid Vesta hogen. 90% a garrygi volkanek war an Nor ha 80% a enep Gwener ew basalt. Kebmyn ew war enep an Loor ewedh.

Plattys tektonek keynvorek ew gwres a vasalt dre vras, askorrys dhort mantel hag a yskyn en-dadn keynow kres an mor bras.

Basalt heb y dewedha ew du po loos. Blockys basalt ew usys en venowgh rag for'ow ha meyn kons, ha rag treven ha derevyansow erel. Kalish ew, na wra gwiska meur hag emava ow kodhevel tobmder en ta.

Possybyl yw dhe wul fibrow dhort basalt hag ew usys en le asbestos. Tobmder ha gwaskedh meur a ell chanjya basalt dhe'n garrek dreusfurvek shist gwyrdh.

Omgemeryansek ew basalt rag tirfurvow arbednek. Pan vo ow yeynhe, ev a furvya kolovednow, rag ensampel, an Giant's Causeway en Wordhen north.