Men growan

Klass	granitoid, plutonic rock
	Restrennow kelmys war Gemmyn Wikimedia

Men growan yw eghen a garrek danek, kevys war an Nor, mes yn tyller vyth aral y'n Kevreyth Howlek. Furvyes yw dhyworth magma teudh pooth. Y liw a yll bos loos tewl po golow, gell po gwynnrudh, ow krog war an kemyskans a vonyow. An chif monyow yw kanndir, gwrysven ha mika.

Tyller men growan yn klassans karrygi tanek

Omherdhys yw an magma yntra nivelyow erel a garrek gans gwaskedh yn-dann enep an Nor. An magma a yeynha yn lent, ow treylya dhe garrek soled. Gwrysow men growan yw meur drefen an yeynheans lent. An garrek gabbro yw gwrys dhyworth an keth monyow ha men growan, mes munys yw an gwrysow.

Pur gemmyn yw men growan war an Nor, hag ev a gomprehend rann veur a grestennen an Nor war blattys brastiryel. Men growan a furv tirfurvow arbennik, ha gwelys yw tirwedhow men growan yn Kernow. Alsyow Pedn an Wlas ha karnow Goon Brenn yw a vri yn ollvysel.

Usyansow

Poos yw men growan, hag y hyllir y dreghi, kervya ha shapya. Ny wra dowr ha difolyans kavos effeyth warnodho, ha kevys yw yn niver a liwyow. Formys ha mosow kegin yw gwrys a ven growan polsys yn fenowgh. Gerysda yw yn drehevyansow ha meyn kov.