Leysven

Klass	karrek wodhosek, karrek gwrys a leys
	Restrennow kelmys war Gemmyn Wikimedia

Leysven yw eghen a garrek wodhosek komposys a bri po leys y'n dalleth. Dyffrans yw dhe gyllas drefen na wra folsa.

An term "leysven" yw usys ynwedh dhe dheskrifa karrygi karbonat kepar ha kalgh po dolomit komposys dre vras a leys karbonat. Byttegyns, y'n brassa rann a achesonyow, an term a gampoll leysven komposys dre vras a vonyow silikat.

Gwandras NASA 'Curiosity' re dkiskudhas godhesow leysven war an planet Meurth a gomprehend stoffow organek kepar ha propan, benzen ha toluen.

Styryans[golegi | pennfenten]

Akordys yw bos leysveyn karrygi godhosek gans gwrysow munys (myns perthygel kresek le ages 0.063mm). Yth edhom dhe nebonan korrwelell rag gweles perthyglow an myns ma, ytho klassa a boslev war wiasedh a-der komposyans moon. Dororydhyon re spenas moy a dermyn ow studhya krag yn le leysveyn.

An fowt a folsa a yll bos drefen an gwiasedh gwreydhek po organedhow ow telli y'n godhesow kyns menheans. Semlant leysven yw avel pri kaleshes. Aga homposyans yw monyow pri, kanndir ha gwrysven dre vras, gans divers moon eylradh.

Leysven: niver a vonyow munys yn lim, les an skeusen yw 32 mm

Moonydhieth leysven war Veurth[golegi | pennfenten]

Linel termyn moonydhieth leysven - 2013 dhe 2016 war Veurth (CheMin; Kevardhu 13, 2016): JK rag "John Klein", CB rag "Cumberland". CH rag "Confidence Hills", MJ rag "Mojave", TP rag "Telegraph Peak", BK rag "Buckskin", OD rag "Oudam", MB rag "Marimba", QL rag "Quela", ha SB rag Sebina.

Mis Kevardhu 13, 2016, NASA a dherivas dustuni pella ow skoodhya anedhadowder war an planet Meurth, ha'n gwandras Curiosity ynskynna ughella, ow studhya gweliow yowynkka war Menydh Sharp. Ynwedh, y feu derivys bos an elven boron gwelys rag an kynsa termyn war Veurth, ha bos kerogen ha kesstoffow organek komplek erel diskudhys yn karrygi leysven dhyworth nans yw 3.5 bilvil bledhen.