Park Kenedhlek a' Mhonaidh Ruaidh
 | |
| Sort |
park Kenedhlek  |
|---|---|
| Fondys |
2003 |
| Doronieth | |
| Tyller |
Cairngorms |
| Konteth |
Aberdeenshire, Moray, Highland, Angus, Perth and Kinross |
| Gwlas |
Ruvaneth Unys |
| Arenebedh |
452,809.88 ha |
| Kesordnogyon |
57.0833°N 3.6667°W |
| Kod KSK |
S21000003 |
| Menystrys gans |
Cairngorms National Park Authority |
 | |
| Studh ertach |
national park of Scotland |
| Manylion | |
Park Kenedhlek a' Mhonaidh Ruaidh yw park kenedhlek yn kledhbarth Alban. Henwys yw an ranndir ‘Cairngorms’ yn Sowsnek dhyworth an Albanek, Cairn Gorm (Karn Glas) rag an menydh y’n ranndir Am Monadh Ruadh hag a styr Goon Rudh yn Albanek. Apoyntys veu an park yn 2003, an nessa a’n dhew apoyntys gan Senedh Alban. Hemm yw park kenedhlek moyha Breten Veur.
Yth yw trigys a-dro dhe 18,000 dhen y’n park. An trevow moyha yw Aviemore, Ballater, Grantown-on-Spey ha Kingussie. Tornyaseth a gompreghend 80% a’n erbysiedh leel. Yn 2018, rekordys veu a-dro dhe 1.9 milvil wodrik, an rann voyha anedha dhyworth Alban, 25% dhyworth gwlasow erel y’n R.U. ha 21% dhyworth gwlasow erel.
An menydhyow a gompreghend tri ugheldir gwastas, gans ughelder ynter 1,000 ha 1,300 m. Serth yw emlow an ugheldiryow, pur wiw rag skia, krambla ha krambla rew. Chif ranndir tundra yn Breten Veur yw kerghynnedd an ugheldiryow. Rekordys veu an tempredh yeynna Breten Veur diwweyth y’n termyn eus passyes, -27.2°C yn 1895 ha 1982 y’n park, yn Braemar. Rekordys veu an gwyns kreffa Breten Veur yn Cairn Gorm yn 1993, hemm yw 283 km/our.
Pur goth yw kerrygi an ranndir, ha'n brassa rann anedha y'n Bagas Dalradek (ynter 800 ha 600 milvil vloodh). Herdhys veu men growan yn-dann ranndir an Park nans yw a-dro dhe 400 milvil vledhen. Posek veu an Oos Rew rag formya tirwedhow an Park ynwedh.
Bewva yw an Park dhe lies best hag edhen tanow. An re a gompreghend koryar Alban, pluven ergh, owrer, boba buba, kerwys ergh ha skovarnogyon.
