Helvellyn
Dec2004.jpg) | |
| Sort |
menydh  |
|---|---|
| Doronieth | |
| Konteth |
Cumbria |
| Gwlas |
Ruvaneth Unys |
| A-ugh an mor |
950 Meter |
| Kesordnogyon |
54.5272°N 3.0161°W |
| Kod OS |
NY342151 |
| Manylion | |
| Sevyans |
712 Meter |
| Tas topp |
Scafell Pike |
| Kadon |
Pow an Lynnyn |
 | |
Helvellyn yw menydh yn Pow an Lynnyn yntra lynnyn Thirlmere hag Ullswater. Ev yw an tressa ughella menydh yn Pow an Lynnyn ha Pow Sows. Essa yw dhe grambla ages Scafell Pike ha Scafell, ha gerys-da yw an menydh, yskynnys gans degow a vilyow a dus pub bledhen. Yn mis Genver 2018, henwys veu Helvellyn avel an gwella kerdh yn Breten Veur yn towlen pellwolok ITV ostys gans Julia Bradbury.
An hanow a dheu dhyworth an geryow Kumbrek, yeth hevelep dhe Gembrek Koth kowsys yn Pow Sows North bys dhe'n 12ves kansvledhen, ow styrya Hal Velyn.
Gwrys veu karrygi loskvenydhyek an menydh yn kowdoll hen loskvenydh a'n Oos Ordowek nans yw 450 milvil a vledhynnyow. Y'n Oos Rew, chanjyes veu an tirwedh gans rewlivans dhe wul tri homm down gans kilfosow serth diberthys gans diw grib. Lenwys yw an kres a'n tri homm gans lynn, Red Tarn. Meur hy hanow yw unn grib, Striding Edge, drefen hy bos mar serth. Y hwarvsa niver a vernansow dres an bledhynnyow awos droglammow.
Usys veu an menydh y'n 19ves kansvledhen rag balweyth plomm.
Topp an menydh yw nebes gwastas, gans ledrow pur serth dhe'n est. Mar wastas yw dell wrug jynn ebron tira warnodho yn 1926. An ughella poynt yw 950m (3120 tros-hys) a ugh nivel an mor.
Pobel re gerdhas dres an menydh nans yw lies bledhen, mes tornysi a dhallathas kerdhes war an menydh nans yw diwedh an 18ves kansvledhen. Samuel Taylor Coleridge ha William Wordsworth a gerdhas Helvellyn yn 1800.
Mirva[golegi | pennfenten]
-
Tu est Hevellyn: Ow mires orth Red Tarn dhyworth Striding Edge, ha topp Helvellyn a-dryv dhodho -
Tu west Helvellyn: Radel Helvellyn gwelys dres Thirlmere dhyworth Wythburn Fells -
Mappa delinyans a Helvellyn -
Ow mires yn-nans dhe Striding Edge ha tro'ha High Spying How -
Topp Helvellyn -
William Wordsworth war Helvellyn (1842) gans Benjamin Robert Haydon -
Mengov war Helvellyn ow tochya tira jynn ebron ena -
Lesbenigys an menydh (Dryas octopetala), eghen alpek a dreusvew war Helvellyn -
Kragen lownek a'n Furvyans Kragen Deepdale, kevys ogas dhe dopp Helvellyn -
Magor drehevyans yn Bal Helvellyn, gans graghellow skoll a-dryv dhe'n gover
.jpg)
