Plobm

Dhyworth Wikipedya, an godhoniador rydh
Jump to navigation Jump to search
Lead electrolytic and 1cm3 cube.jpg
Pb-TableImage.svg
Ensampel a'n re ma a sew Elven gymyk, simple substance, female reproductive toxicant, Male reproductive toxicant, developmental toxicant, carcinogen, superconducting element Edit this on Wikidata
Klass post-transition metal Edit this on Wikidata
Liw/yow grey Edit this on Wikidata
Furvell gymyk Pb edit this on wikidata
Niver atomek 82 Edit this on Wikidata
ElektronegedhegedhEdit this on Wikidata
Darn a period 6, group 14 Edit this on Wikidata
Commons page Ffeiliau perthnasol ar Gomin Wicimedia

Elven gymyk yw plobm, po plomm, niver 82 y'n Vosen Beriodek. Y furvell gymyk yw Pb, dhyworth an ger Latinek plumbum, pennfenten an ger kernewek ynwedh. Gwenon kreunek (cumulative) yw plobm, kudyn meur y'n termyn eus passyes, mes kontrolys yn tynn yw devnydh plobm lemmyn. Usys o plobm y'n termyn eus passyes dhe velyshe gwin. Awos hemma, traweythyow veu tardh a 'dhrog torr' hag a ledya dhe vernans. Henwys o Devon colic yn Pow Sows y'n 17ves ha 18ves kansvledhen. Leverir yw nebes tus a vri bos posnys gans plobm: Andrew Jackson (1767-1845), seythves Lywydh an Statys Unys ha Ludwig von Beethoven yw dew anedha. Pur dhe les yw plobm avel skoos rag radyoweythresyans yn klavjiow, rag ensampel arhwilellow dewynnyow-X.

Tennys o plobm yn-mes balyow nans yw 6,000 bledhen, had aswonnys o dhe'n Egyptyonyon Koth. I a usya plobm gwynn ha rudh yn liywow hag afinusterow. An Romanas koth a dhisplegya balyow yn Spayn ha Breten. Y'n Osow Kres usys o dhe worheri tohow drehevyansow, avel eglosyow.

Galena (PbS) yw an moon moyha posek, kevys dre vras yn Ostrali (19%), an Statys Unys (13%), China (12%) ha Perou (8%). Kemyskys yw an moon gans kok ha kalgh, ha rostys yw yn fog. An askorrans ollvysel yw 6 milvil tunnas an vledhen. Res yw purhe an plobm awosa gans keworra zynk rag removya arghans dyworto. Usys o plobm avel keworrans dhe betrol y'n termyn eus passyes, mes lemmyn usys yw dhe wul batriow kerri. Defolyans an plobm yn petrol a wre kawsya skians lehes, yn medh nebes godhonydhyon.

Alkan medhel gwann disliw loos-arghansek yw plobm. Poos atomek plobm yw 207.2, y boynt treudhi yw 334°C ha'y boynt bryjyon yw 1740°C. Y dhosedh yw 11.4 kg an liter.

Mirva[chanjya | pennfenten]