Kledhrennow kul

Dhyworth Wikipedya, an godhoniador rydh

Hyns-horn kledhrennow kul yw hyns-horn gans kledhrennow nes ages an 4 tros-hys 8 1⁄2 meusva (1,435 mm) a hensi-horn kledhrennow savonek. An les yntra'n gledhrennow war voya hensi-horn yw ynter 1 tros-hys 11 5/8 meusva (600 mm) ha 3 tros-hys 6 meusva (1,067 mm).

Gorwolok[golegi | pennfenten]

Kehevelyans a gledhrennow savonek (glas) ha kledhrennow kul (rudh).

Awos bos hensi-horn kledhrennow kul byldyes gans gwarrow radius byghanna, kledhrennow skavva, h.e., del yw usys, isella yw an pris drehevyans, darbari hag oberi es hensi-horn kledhrennow savonek po efan.

Hensi-horn kledhrennow kul yw devnydhyes lower gweyth dhe oberi yn diwysyansyow, rag ensampel: balyow, mengleudhyow, gweythvaow, h.e., ple'ma res dhe vraster tren pur vyghan.

Yma devnydhyow ollgemmyn dhe hensi-horn kledhrennow kul keffrys. Hensi-horn menydh kledhrennow kul didhiwysyansek yw po o lemmyn y'n Menydhyow Karnek y'n Statys Unys, yn Meksiko, Kanada, Pow Swis, Pow Grek hag Eynda.

An geyj savonek yw kledhrennow kul yn nebes gwlasow, avel kledhrennow Kap (3 tros-hys 6 meusva) yn Japan, Mordir Nowyth, Afrika Dhyghow ha Tasmani, ha kledhrennow meter yn Malaysi ha Pow Tay.

Lower a gerri stretyn a dhevnydh kledhrennow kul, yn Europa dres oll, ple'ma kledhrennow meter devnydhyes yn kemmyn.

Hensi-horn kledhrennow kul yn Kernow[golegi | pennfenten]

Yth esa lower a hensi-horn kledhrennow kul yn Kernow bys ha dres an domhwelans diwysyansek, ow komprehendya: an Hyns-horn Resrudh ha Dowr an Chas eth dhyworth Resrudh dhe Dheveryon war gledhrennow 4 tros-hys (1,219 mm), ha'n Hyns-horn Bentewyn eth dhyworth Sen Ostell dhe Ventewyn war gledhrennow 2 dros-hys 6 meusva (762 mm); an dhew hyns-horn ma yw hensi-dewrosa y'n jydh hedhyw.

Oll an hensi-horn kledhrenn kul yn Kernow y'n jydh hedhyw yw hensi-horn havyasek. An Hyns-horn Ethen Lannstefan a dhyworth Lannstefan dhe Velinnowyth war hyns koth an hyns-horn Kernow North. Ev a dhevnydh kledhrennow 1 tros-hys 11 1/2 meusva (597 mm). An Hyns-Horn Ethen Glynn Lappa a dhyworth Benny Halt dhe'n bal, Hwel Rosen Est (East Wheal Rose), war gledhrennow 15 meusva (kledhrennow ispoyntel).

Jynn ethenn, Zeberdee, dhe Benny Halt war an Hyns-Horn Ethenn Glynn Lappa.

Rol a hensi-horn kledhrennow kul yn Kernow[golegi | pennfenten]

(Nyns yw hi rol dhien)

Hensi-horn kledhrennow kul yn Breten[golegi | pennfenten]

(Nyns yns i rolyow dien)

Rol a hensi-horn kledhrennow kul yn Alban[golegi | pennfenten]

Rol a hensi-horn kledhrennow kul yn Kembra[golegi | pennfenten]

Rol a hensi-horn kledhrennow kul yn Pow Sows[golegi | pennfenten]

(Rag hensi-horn kledhrennow kul yn Kernow, gwelewgh an rol a-ugh)

Rol a hens-horn kledhrennow kul yn Wordhen Gledh[golegi | pennfenten]

Hensi-horn kledhrennow kul yn gwlasow erel[golegi | pennfenten]

Gweller ynwedh[golegi | pennfenten]