Hyns-Horn Ethen Lannstefan
Hyns-horn kledhrennow kul 1 tros-hys 11 1/2 meusva (597 mm) yw an Hyns-Horn Ethen Lannstefan (Sowsnek: Launceston Steam Railway) a ober dhyworth an dre Lannstefan yn Kernow. Byldyes yw an hyns-horn war weli-kledhren an Hyns-Horn Kernow North hag ev a bon rag 2 1/2 mildir dhe Velinnowyth, ple'ma park godrev.
Istori[golegi | pennfenten]
Hyns-horn Geyj Savonek[golegi | pennfenten]
An kensa hyns-horn dhe dhrehedhes Lannstefan veu an Hyns-Horn Lanstefann ha Dewnans Soth a ygeris yn 1865 dhyworth Lannstefan dhe Aberplymm, wosa henna denys veu an hyns-horn yn Hyns-Horn an West Bras. An Hyns-Horn Loundres ha Soth West a ygeris y hyns-horn dhyworth Dibarthva Halwill, ystyn dhe Lannwedhenek yn rannow y'n 1890ow, ha wosa henna rann an Hyns-Horn Soth. Orth aga amal veu an dhew worsav Lannstefan: Gorsav HaWB a dhegeas yn 1962 ha gorsav an HS yn 1966.
Hyns-Horn Kledhrennow Kul[golegi | pennfenten]
Yn 1965, Nigel Bowman a sawyas an lokomotyv-ethen "Lilian" dhyworth Mengleudh Leghen an Penrhyn yn Kembra North hag hy daswul dh'y ji yn Surrey. Wosa henna, ev a dhalathas ow hwilas le dhe vyldya hyns-horn dhe oberi y lokomotyv hag ev a wrug dewis Lannstefan yn 1971, wosa ow tybi a-dro dhe rann an weli-kledhren dhyworth Guildford dhe Horsham ha'n Hyns-Horn Lyton & Barnstaple. Prenas an weli-kledhren a dhuryas lower a vledhennow ha'n kensa rann a ygeris Dy'gol Stefan 1983. Ystynys o an hyns-horn yn rannow, yth esa'n ygeryans diwettha dhe Velinnowyth yn 1995 ow tri an hyns-horn dh'y hys kesres a 2 1/2 mildir.
Lokomotyvyow[golegi | pennfenten]
Oberys gans lokomotyv-ethen yw pub tren poblek, mes devnydhys yw an lokomotyvyow-motor rag hwel mentons.
Lokomotyvyow-ethen[golegi | pennfenten]
| Niver | Hanow | Bylder | Eghen | Niver Hwel | Byldyes | Dallathvos | Merkyansow |
|---|---|---|---|---|---|---|---|
| Lilian | Hunslet | 0-4-0 TD | 317 | 1883 | Mengleudh Penrhyn | Boyler nowydh desedhys yn 1993 ha tender addyes yn 2008. | |
| Covertcoat | Hunslet | 0-4-0 TD | 679 | 1898 | Mengleudh Dinorwik | Kab ha tender addyes dhe Lannstefan. | |
| Velinheli | Hunslet | 0-4-0 TD | 409 | 1886 | Mengleudh Dinorwik | Piwys yn privedh gans James Evans, ex-Hyns-Horn Nans Enni. | |
| Dorothea | Hunslet | 0-4-0 TD | 763 | 1901 | Mengleudh Dorothea | Gwithys dre 22 bledhen gans Kay Bowman, kensa ethenyans yn mis Du 2011 hag entra servis yn 2012. | |
| 89 | Perseverance | C. Parmenter | 2w-2TBP[1] 0-2-2TBP |
2004 | Byldyes war jassis Hudson. |
Lokomotyvyow-motor[golegi | pennfenten]
| Niver | Hanow | Bylder | Eghen | Niver Hwel | Byldyes | Dallathvos | Merkyansow |
|---|---|---|---|---|---|---|---|
| 38 | English Electric | 2w-2-2-2wRE | 761 | 1930 | Hyns-Horn an Sodhva Bost | Displegyes yn gwithti. | |
| 42 | English Electric | 2w-2-2-2wRE | 1930 | Hyns-Horn an Sodhva Bost | Dhe vos eylvyldyes avel bogi-power kledhrengarr. | ||
| Motor Rail | 4wDM | 5646 | 1933 | Grove Heath, Ripley, Surrey | |||
| N. Bowman | 4wBER | 1986 | Trolli Hwithrans | ||||
| Launceston SR | 4wDER | 2004 | Trolli Hwithrans |
Kochys ha karvenow[golegi | pennfenten]
Yma peswar koch dhe'n hyns-horn. Bylydes dhe Lannstefan o pub unn. Yma lower a garvenow boks, legh ha karvenow a omhwel.
Towlow[golegi | pennfenten]
Towl termyn hir yw rag an hyns-horn dhe ystyn gan diw vildir dhe'n wig Egloskeri, owth ynkorfora hyns-dewrosa nowydh.