Dowrheans

Ensampel a	aktivita
Klass	argerdh jynnweythek, Treusporth
	Restrennow kelmys war Gemmyn Wikimedia

Dowrheans yw keworra dowr dhe'n tir, dell ys usys rag tevi trevasow. Usys yw le ma nag eus glaw lowr rag tevi an trevasow na, po dres termynyow seghder.

Kevys yw kovadhow hendhyskoniethel a dhowrheans pur a-varr, gans dustuni aga bos usys yn Mesopotami hag Hen Ejyp y'n 6ves milvledhen K.O.K. rag tevi barlys. Yn nans Zana y'n Andes yn Perou, diskudhys veu magyoryon dowrgleudhyow dowrhe dhyworth an 4a milvledhen KOK, hag system dowrhe pur gomplek o usys yn termyn Hwarheans Nans Eyndus, gans kreun dowr yn Girnar dedhyes dhe 3000 KOK. Usys veu system komplek yn Sri Lanka a-dhia 300 KOK yn-rag.

Yn termynnyow a-dhiwedhes, displegys veu jynnow a alsa pompya dowr a'n dor a-der kregi war avon po greun dowr. Yn 2000 2,788 km² (689 milvil erow) a dir amethel a wre devnydh a dhaffar dowrhe, 68% anodho yn Asi, 17% yn Amerika, 9% yn Europa ha 5% yn Afrika. Yma an parthow efanna yn Eynda north ryb Dowr Ganga hag Dowr Eyndus, yn China yn kerghyn avonow Hai He, [[Dowr Melyn] ha Dowr Yangtze, a-hys an Nîl yn Ejyp ha Soudan hag yn rannow a'n Statys Unys.

Dowrheans a yll kavos effeyth kisys war an kerghynnydh mar tennir re dhowr dhyworth an tir. Unn ensampel yw an Mor Aral, yth yw ogas dhe vos mes a wel drefen henna.