Treusporth

Klass	gwriansow denel, liv stoffow
Rann a	economic activity
Synsys ynno/i	fordh a dreusporth, rail transport
	Restrennow kelmys war Gemmyn Wikimedia

Treusporth ew movya tus po taklow dhort udn teller dhe deller aral. Possybyl ew dh'ago radna dhe fram (po isframweyth), degadoryon (kerri) hag oberyansow.

Ema isframweyth ow komprehendya for'ow, fordhow kledher (hensyow horn y'n FSS (K)), ayrborthow, dowrgleudhyow ha piblinellow. An isframweyth ew an rosweyth ma thew an taklow degys war ev.Ema isframweyth ow komprehendya ayrborthow, stacyons for' kledher (gorsavow hyns horn), stacyons kyttrin ha kayow, dell ew usys. Derevys ew isframweyth gen governansow herwydh usadow, pes gen trethow dhort burjysi an pow po tiredh. Desinys ew isframweyth pekara for'ow ha forrow kledher gen ynjynoryon civil ha towlenoryon trevow.

Degadoryon (Sowsnek: vehicles) po lestri a viaj war an isframweyth. Ema degadoryon ow komprehendya kerri, kertow, trenow ha jynnow ebron. Dell ew usys, desinys enjei gen ynjynoryon jynnweythorek. Lestri a gomprehend skathow, kowbalow ha skathow hir a viaj war dhowgleudhyow hag usya kayow gwara ha morporthow. E’n keth for' trenow dhe usya for'ow kledher, jynnow ebron a us hensi tira.

Oberyansow a rewl an system. Ema oberyansow ow komprehendya golowow hag arwodhyow daromres, arwodhyow for'ow kledher ha tourys routya daromres ayr. Anjei a gomprehend policis ha rewlys governans, pekara tollow fordh, tollow kunys ha laghys daromres.

Treusporth ha keskomunyans

Tus a ell usya treusporth ha keskomunyans en le an eyl y gila (nebonan a alja pellgowsel en le vysytya). Ema othem dhe dreusporth a geskomunyans ewedh. Rag ensampel ema routya daromres ayr ow kara moy a jynnow ebron dhe neyja.

Treusporth, nerth ha’n kerhynnedh

Ema treusporth owth usya meur a nerth. An brassa radn a dreusporth a wra devnydh a hidrokarbonow pekar hag oyl ha gass hag a alja kawsya defolyans. Laghys kerghynedhel ha kunys isel aga defolyans a ell gweres lehe defolyans, bes pan vo usys moy a dhegadoryon, gwres ew moy a dhefolyans.

Sortow a dreusporth

Treusporth a hwer war an tir, an dowr po e’n ayr:

Treusporth war an tir owth usya for'ow, for'ow kledher gen degadoryon pekara kerri, trenow ha diwrosow.
Treusporth war an dowr owth usya gorholyon ha skathow hir en dowrkleudhyow, ryvers ha war an mor.
Treusporth ayr owth usya jynnow ebron, ayrborthow ha helikoptrys.