Kalettir
| Kalettir | |
|---|---|
| |
| Eneysmenydh a galettir ogas dhe Dori, Burkina Faso | |
| Klassans bewoniethek |
Kalettir, Kembrek - cramen galed ha Sowsnek - duricrust, ew gwiskas kalish war po ogas dhe enep an tir. Aga thewder a wra varya tredh nebes millimetrow po centimetrow dhe nebes metrow.
Term ew kalettir rag deskrifa parth a godhans ha kaleshe, furvys war po ogas dhe enep korfow godhasel drefen processys gweres. En tipek furvys enjei gen kreunans monyow teudhadow godhasys gen dowrow leun a vonyow hag a way war-vann po war-nans po a-dreus gen gweythres korrbiben. Pur gebmyn ew hebma en difeythtiryow drefen ethennans.
Ma sortow dyffrans a galetiryow, pub onan anodhans gen monydhieth warthevyek. Rag ensampel, kalettir horn po laterit (Sowsnek - laterite po ferricrete) ew gwarthevys gen seskwioksidow horn, kalettir aluminiom (Sowsnek - alcrete po bauxite) gen seskwioksidow aluminiom hag possybyl ew kawas versyonow gwarthevys gen silika (kalettir silika, Sowsnek silcrete), kalciom karbonat (kalettir kalgh, Sowsnek calcrete po caliche) ha jypsum (gypcrete).
Studhyes veu kaletiryow en venowgh dres hwithrans ow tochya an planet Meurth drefen ev dhe weres bos gen an planet moy a dhowr neb termyn. Diskudhys veu dowr war Veurth en telleryow tirya Viking 2 ha Phoenix. Kalettir Phoenix a veu prevys woja hedna dhe vos drefen gwayans dowr.
-
Kalettir horn en Meksiko Nowydh -
Mengleudh kalettir horn en Eynda -
For' gwres a galettir horn en Senegal -
Kalettir silika en Alban Nowydh -
Kalettir kalgh -
Panorama a deller tirya Phoenix
Ma an erthygel ma usya an Furv Skrifys Savonek a-barth Kernowek diwedhes.