Gorta Dibarthva Komm

Dhyworth Wikipedya, an godhoniador rydh
Jump to navigation Jump to search
Tren ow kortos dhe worsav Dibathva Komm. Yma ponsfordh Dowr an Woon gweladow y'n gilva.

Gorta Dibarthva Komm (Sowsnek: Coombe Junction Halt) yw gorsav hyns-horn war an Linen Nans Logh a serv an gwigow a Gomm ha Nansmelin ogas ha Lyskerrys, Kernow. Yma res dhe bub tren ow mos yntra Lyskerrys ha Logh gorthtreylya dhe Dhibarthva Komm, mes nyns usi saw dew dren pub dydh a bes an pelder kott dhe'n kay rag gallesogi trethysi dhe junya po diyskynna an tren.

Yntra mis Ebrel 2014 ha mis Meurth 2015, nyns o saw 26 merkyans a drethysi ow junya po diyskynna an tren dhe Gomm, henn a wrug dhodho bos an nessa gorsav lyha devnydhyes yn Breten Veur, wosa Shippea Hill.

Istori[chanjya | pennfenten]

Tren ow kortos orth an dhibathva dhe Gomm.

Yth ygerys an Hyns-horn Lyskerrys ha Logh a-hys an Nans Logh yn 1860, yn 1896 y feu kay drehevys dhe Gomm rag trethysi a vynnas kerdhes yn-bann an vre dhe'n gorsav yn Lyskerrys.

Ystynnans an hyns-horn dhyworth Komm dhe worsav Lyskerrys veu ygerys yn 1901 pan veu gorsav Dowr an Woon deges. Y hedhas pub tren orth Dibarthva Komm ha'n lokomotyv ow ponya a-dro dhe'n tren kyn pesya gans an viaj. Yn hwreydhek, yth esa loup dhe soth an gorsav a asas dew dren dhe bassya, mes wosa 1928 y feu hemm kesunyes gans hyns an kay. Wosa hemma, y hyllas trenow passya wosa an kensa tren dhe bonya a-dro ha shuntya dhe'n dre-linen, pan yllas an nessa tren mos dhe'n kay.

Deskrifans[chanjya | pennfenten]

Entrans an gorsav dhyworth Nansmelin.

Yma kay unsel a yll bos drehedhys dhyworth an fordh yn Nansmelin dhe'n north po dhyworth hyns-kerdhes ryb tenewen an dreusva dhe'n soth.

Yma res dhe drenow trethysi gorthtreylya dhe Gomm, mes nyns a miver meur anedha dhe'n kay. Yth a an linen a bes dhe'n north dhe Dhowr an Woon yn-dann Ponsfordh Dowr an Woon, mes nyns yw devndhyes homma saw gans trenow gwara treweythus.

Servisyow[chanjya | pennfenten]

Servyes yw Komm gans dew dren pub dydh yntra dydhyow Lun ha Sadorn. Nyns yw servis war dhydhyow Sul.

Gweller ynwedh[chanjya | pennfenten]

Gorsavow erel an Linen Nans Logh[chanjya | pennfenten]

Erel[chanjya | pennfenten]