Gorta Fenten Geyn
Gorta Fenten Geyn (Sowsnek: St Keyne Wishing Well Halt) yw gorsav hyns-horn war an Linen Nans Logh a serv an treveglos a Sen Keyn ha gwithti "Magnificent Music Machines".
Istori[golegi | pennfenten]
Kyn an hyns-horn dhe ygeri, y feu an bargennow tir ha treveglosow y'n arenebedh servyes gans an Dowrgleudh Kesunyans Lyskerrys ha Logh. An Hyns-horn Lyskerrys ha Logh veu ygerys war 27ves mis Kepardhu 1860 rag karya gwara yntra Lyskerrys ha Logh ha'n dowrgleudh veu devnydhyes lyha ha lyha. Trenow trethysi a dhallathas war 11ves mis Gwynngala 1879, mes nyns o bys dhe'n 25ves mis Hwevrer 1902 yth ygerys an gorta ogas ha Sen Keyn y'n Nans Logh, wosa an hyns-horn dhe junya gans an penn-linen dhe worsav Lyskerrys.
Deskrifans[golegi | pennfenten]
Yma unn kay gans skovva vian dhe Worta Sen Kay usi desedhys a-dhyghow dhe drenow ow mos war-tu ha Logh.
Sevisyow[golegi | pennfenten]
Y hedh ogas ha pub tren dhe Sen Keyn orth govyn - hemm a styr bos res dhe drethysi leverel dhe'n gwithyas-tren y fynnons diyskynna omma; yma res dhe'n re a vynn junya an tren gul sinell kler dhe'n lewyer ha'n tren ow trehedhes. Nyns usi trenow war dhydhyow Sul y'n gwav yntra mis Du ha mis Me.