Hyns-horn Lyskerrys ha Logh

Tren war an Linen Nans Logh.

An Hyns-horn Lyskerrys ha Logh yw hyns-horn a veu byldyes yntra Moorswater ogas dhe Lyskerrys ha Logh yn Kernow, Breten Veur. Diwettha an hyns-horn veu ystynnys dhe Worsav Lyskerrys rag junya gans Penn-hyns-horn Kernow. Kensa rann an hyns-horn a ygeris yn 1860 hag perghennys o gans an Kompani Dowrgleudh Kesunyans Lyskerrys ha Logh; an dowrgleudh re bia byldyes mogha a-varr rag karya mordewes ha kalgh yn-bann an glynn Avon Logh Est, porpos an dowrgleudh o dhe weres gwellhe an drenkenweres a wlasow ammethek.

Pan veu trovyes kober ha sten war Vre Garn, y fons i driys yn-nans dhe borth Logh gans an dowrgleudh; re veur o dalhedh an traffik rag an dowrgleudh ha byldyes veu an hyns-horn. Berr a vona o an kompani hag ev a oberas gans unn lokomotyv hirbrenys wor'talleth. An hyns-horn a garyas monyow dhyworth ranndir balweyth Karn dhe'n mor dhe Logh, keffrys glow ha jynnweythow, ha nebs daffar ammethek yn-bann an glynn.

Mappa an Hans-horn Lyskerrys ha Logh yn 1901.

Traffik trethyas a dhallathas yn 1879 ha dhe'n unn termyn yth esa estennans moon ow teklinya seulabrys. An kompani a wrug drehevel hyns-horn junyans yntra Moorswater ha gorsav Lyskerrys dhe gennertha traffik trethyas ha gwara ollgemmyn; hemma veu ygerys yn 1901. Yma ledrow serth ha gwarrow glew dhe'n skorren yntra Lyskerrys ha'n dhibarthva dhe Gomm.

Hedhyw ygerys yw an hyns-horn dhe draffik trethyas hwath usi oberys gans Great Western Railway yn-dann an hanow Linen Nans Logh.