Park Kenedhlek Bannyow Brycheiniog
 | |
| Sort |
onan a barkow kenedhlek Pow an Sowson ha Kembra, geopark  |
|---|---|
| Poblans |
33,485 |
| Fondys |
1957 |
| Doronieth | |
| Konteth |
Bleynow Gwens, Konteth Karvyrdhin, Merthyr Tusvil, Powys, Rondha Kynon Tav, Konteth Menow, Torr-ven, Karfili |
| Gwlas |
Ruvaneth Unys |
| Arenebedh |
1,344 km² |
| Kesordnogyon |
51.88°N 3.4°W |
| Kod KSK |
W18000001 |
| Menystrys gans |
Bannau Brycheiniog National Park Authority |
 | |
| Studh ertach |
Gwithva Ebron Dewl Kesgwlasek |
| Manylion | |
Park Kenedhlek Bannyow Brycheiniog (Kembrek: Parc Cenedlaethol Bannau Brycheiniog) ew onan a dri fark kenedhlek en Kembra. Ev a gomprehend an Menedh Du (Kembrek: Y Mynydd Du) e’n west, Forest Meur (Fforest Fawr) ha’n Bannyow Brycheiniog e’n kres ha’n Menedhyow Du (Kembrek: Y Mynyddoedd Duon) e’n Est. Apoyntys veu avel park kenedhlek en 1957.
An park a gawas status Gwithva Eborn Dewl Kesgwlasek en 2013.
An brassa radn a’n park ew gonow gwelsek mool, peurva dhe wonhelyes menedh ha deves menedh. An menedh uhella e’n park ew Pen y Fan, gen uhelder a 886m. Ema kosow ha kreunyow dowr ewedh. Tednvosow gerys-da dhe douryji ew dowrlammow pekara Dowrlam Henrhyd (Sgwd Henrhyd) ha fogevyow pekara Ogof Ffynnon Ddu.
Dororieth an park ew krag ha kalgh (an skila rag an fogevyow). Rewlivans a wrug meur a effeyth dhe dirwedh an tiredh, ow kara gnasyow pekara lydnow ha kommow.
Usys ew an park rag kerdhes, diwrosa, marghogeth, krambla, hwithra fogevyow ha peskecha. Drefen y dirwedh pell hag ayredh garow, an Lu Bretennek ha’ga Forsow Arbednek a wra devnydh a’n park.
-
Ogof Ffynnon Ddu -
Dowrlam Henrhyd -
Menedh Pen y Fan -
Gonhelyes menedh
Ma an erthygel ma usya an Furv Skrifys Savonek a-barth Kernowek diwedhes.