Marbel

Klass	karrek dreusfurvek
	Restrennow kelmys war Gemmyn Wikimedia

Marbel ew karrek dreusfurvek a dhisplegyas dhort kalgh. An brassa radn a'n garrek ew kalsit (furv gwrisek a galsiom karbonat CaO₃) ha dolomit. Usys ew en venowgh rag imachys, avel stoff derevel ha porpasow erel.

An ger marbel a dhisplegyas dhe styrya meyn a alja bos polsya ha rag pellenigow gweder usys en gwariow flehes (marblednow).

Faux marbel ew teknek payntya fosow hag a wra war-lergh patronyow liw marbel gwir. Polter marbel ha lim po glusow synthetek a alja bos kesunyes rag gul 'marbel dasfurvyes' (Sowsnek: reconstituted marble).

Ma dhe varbel usys en derevyans rag milyow a vledhydnyow. Usys veu en efan gen gravoryon ha pednseri Hen Gres ha Hen Rom. Telleryow henwys dhort an garrek a gomprehend Marble Arch en Loundres; Mor Marmara; Marble Rocks en Eynda; ha trevow Marble, Minnesota; Marble, Colorado; ha Marble Hill, Manhattan, Evrek Nowydh. An 'Elgin Marbles' ew imachys marbel dhort an Parthenon diskwedhys e'n Gwithti Bretennek. Dres vons dhe Vreten Veur gen Yurl Elgin.

Marbel derevel

E'n negys derevel, usys ew an term "marbel" rag neb karrek kalsitik gwrisek dhe les rag derevel.

Ensamplow

Marbel Purbeck ew kalgh mantedhek kevys en Enys Purbeck, pedntir en Dorset, Pow an Sowson. E feu dhe'n garrek mengleudhys a-dhia osow romanek rag derevel. Nag ew an diwysyans gweythresek hwath.

Marbel Tennessi ew en gwirioneth dolomit a'n Oos Ordowek, rych en mantedhednow ha loos po rudhwydn y liw. Ma y natur gwrisek ow rei hevelepter dhe varbel dhe ev, en arbednek pan vo polsyes. Karrek wodhasek ew etho.

Marbel Carrara ew marbel gwir. Gwydn po glas-loos ew gen gnas da, meurgerys rag usys en gravyans ha derevyansow. Mengleudhys ew en cita Carrara en Tuskani, Itali. An skeusen a dhiskwedh Pieta, ew pednobereth a ravyans Dastinythyans gen Michelangelo. Desedhys ew en Basilica Sen Peder, Cita Vatican, ha hebm ew an udnik imach sinys gen Michelangelo besketh.

Devnydh diwysyansek a varbel

Marbel diliw ew pednfenten pur a galciom karbonat, usys en lies diwysyans. Polter marbel ew usys avel kesradn en paynt, dehen dens ha plastegow: kalciom karbonat a ell bos chanjys en-dadn tobmder meur dhe galciom oksid, aswonys avel kalgh tobm, usys en lies diwyanyans ha lim.

"Marbel" Purbeck
Stock mengleudhys a "varbel" rudhwydn Tennessi
An Pieta gen Michelangelo

Ma an erthygel ma usya an Furv Skrifys Savonek a-barth Kernowek diwedhes.