Leskargva

Klass	plain, tirfurv rewlivel
Rann a	kevres rewlivel
	Restrennow kelmys war Gemmyn Wikimedia

Leskargva yw ranndir ogas dhe benn rewliv le mayth yw godhesys stoffow dhyworth an rewliv gans dowr teudh. Avonnow plethys a dhigemmysk an godhesow dhe gostys a vynsow dyffrans (grow yn unn tyller, tewes y'n aral hag erel). Hy hanow yn Sowsnek yw outwash plain, mes an ger Rewenysek sandur yw usys yn fenowgh.

Furvyans

Leskargvaow yw kevys yn ranndiryow rewlivys, kepar ha Svalbard, Enesow Kerguelen, ha Rewenys. Rewlivow ha lienyow rew a dreusperth mynsow meur a wodhes, kemerys gansa pan vo eskniys an garrek weli. Yn penn an rewliv, dowr teudh a wra karya an godhes dhe ves dhyworth an rewliv ha'y wodhesa war dir gwastas. Digemyskys yw an godhes gans an dowr, an godhes lyha ow mos an pella.

Leskargvaow a gomprehend avonnow plethys, keffrys ha pollow kalter le may hwrug blockys rew teudhi, os kasa pansow lenwys gans dowr.

Pur gemmyn yw leskargvaow yn Rewenys, le may hwra aktivita dorthermel yn-dann kappys rew teudhi palster a dhowr. Gelwys yw an livyow bras dres eghen Jökulhlaup - tardh rewliv.

Leskargva hag avon blethys
Leskargva Skeiðarárjökull, Rewenys
Leskargva Rewliv Franz Josef, Mordir Nowydh
Buli war leskargva yn Rewenys