Grow

Klass	godhes klastek, dry bulk cargo
	Restrennow kelmys war Gemmyn Wikimedia

Grow ew temigow munys (moy ages 2mm bes le ages 64mm en treuslinen) lows. Grow bras ew henwys bili. Temigow le ages grow ew tewes ha moy ages grow meyn kons.

Usys ew grow ha tewes rag enep for'ow, ha rag lim ha tarmac. Kemyskans a dewes ha grow kemyskys ha stoffow brewys erel ew gelwys ollas. Usys yw rag deseghans en goles fordhow ha porposys erel.

Dallethvos

Grow naturel a dheu dhort trethow koth na veu treylyes dhe ven. Rag leverel an gwir, trethow dhort, rag ensampel, an Oos Jurassek ew kevys a vengleudhyow. An stoff ew ridrys dhe glassansow myns. Gwerthys ew an grow ha tewes dhe gowethyansow ynjynorieth woja hedna. An brassa radn a dewes ha grow naturel ew silika, SiO₂, en y gomposyans. Na wra an stoff ma gwiska en uskis.

Terweythyow, stoff hag ew en y furv gwreydhek avel karrek ew gweskys e'n kensa le. Etho karrygi erel pekar ha kalgh po men growan ew usys e'n fordh ma rag gul grow.

Mengleudhya ha dyghtya grow ha tewes ew diwysyans meur dres ehen en ollvysek.

Ma an erthygel ma usya an Furv Skrifys Savonek a-barth Kernowek diwedhes.