Leskargva

Klass	plain, tirfurv rewlivek
Rann a	kevres rewlivel
Restrennow kelmys war Gemmyn Wikimedia

Teller an leskargva

Leskargva ew tir ogas dhe bedn rewliv lebma thew godhasys stoffow dhort an rewliv gen dowr teudh. Ma ryvers plethys ow tigemyska an godhasow dhe barthow a vynsow dyffrans (grow en udn teller, tewes e'n aral hag erel). Hy hanow en Sowsnek ew outwash plain, bes an ger Rewenysek sandur ew usys en venowgh.

Furvyans

Leskargvaow ew kevys en tiredhow rewlivys, pekar ha Svalbard, Enesow Kerguelen, ha Rewenys. Ma rewlivow ha lienyow rew ow treusperthi mynsow meur a wodhas, kemerys gen anjei pan vo usyes an garrek weli. En pedn an rewliv, ma dowr teudh ow karya an godhas dhe ves dhort an rewliv ha'y wodhasa war dir gwastas. Digemyskys ew an godhas gen an dowr, an godhas lyha ow mos an pella.

Leskargvaow a gomprehend ryvers plethys, keffrys ha pollow kalter lebma hwrug blockys rew teudha, os kasa pansow lenwys gen dowr.

Pur gebmyn ew leskargvaow en Rewenys, lebma hwra aktivita dorthermel en-dadn kappys rew teudhi palster a dhowr. Gelwys ew an livyow bras dres ehen Jökulhlaup - tardh rewliv.

• 
  Leskargva ha ryver plethys
• 
  Leskargva Skeiðarárjökull, Rewenys
• 
  Leskargva Rewliv Franz Josef, Mordir Nowydh
• 
  Buli war leskargva en Rewenys

Ma an erthygel ma usya an Furv Skrifys Savonek a-barth Kernowek diwedhes.