Thuliom

Ensampel a	Elven gymyk
Furvell gymyk	Tm
Dydhyas diskudhans	1879
Niver atomek	69
Elektronegedhegedh	1
Rann a	lanthanid, period 6
Restrennow kelmys war Gemmyn Wikimedia

Elven gemyk ew thuliom, niver 69 e'n Vosen Beriodek. Y arwodh ew Tm. An hanow a dheu dhort an hanow Greka rag Loghlyn, Thule. Onan a'n elvednow dor-tanow po lanthanid ew thuliom. Nag eus radn vewoniethel dhe thuliom, bes nag ew gwenonek.

Diskudhys veu thuliom gen Per Teodor Cleve, kemygydh a Sweden, en kettermyn ha diskudhans holmiom. Kevys ew en mynsow munys gen lanthanidow erel en monyow pekara gadolinit. Askorrys ew a-dro dhe 50 tonnas a thuliom an vledhen, dre vras en China. Pur gostek ew thuliom. Kost polter thuliom 99% pur ew $70 an gramm.

Keworrys ew thuliom gen holmiom ha kromiom rag oberi laserow garnet ytriom-aluminiom. Usys enjei en leuvvedhegneth, gen an luyow ervys, hag en meteorolgieth. Usys ew an isotop thuliom-170 avel pednfenten dewydnow-X gen medhogyon ha medhogyon dens. Gorrys ew en banknotednow euro avel musur gorthfugya. Usys ew thuliom ewedh en ughkendegoryon tempredh ughel.

Poos atomek thulion ew 168.93, y boynt teudhi ew 1545°C ha'y boynt bryjyon ew 1950°C. Y dhosedh ew 9.3kg an liter. Olkan spladn arhansek ew, medhel luck dh'y dreghi gen kollell.

Mirva

• 
  Per Teodor Cleve
• 
  Gadolinit (an radn dhu)
• 
  Leuvvedhegneth lagasow gen laser
• 
  Tebmigen thuliom-170
• 
  Banknoten euro

Ma an erthygel ma usya an Furv Skrifys Savonek a-barth Kernowek diwedhes.