Kromiom

Ensampel a	Elven gymyk, lithophile
Klass	allergen, stoff sempel
Dydhyas diskudhans	1797
Niver atomek	24
Aray an elektrons	[Ar] 3d⁵ 4s¹
Elektronegedhegedh	1.66
Studh oksidyans	3
Rann a	period 4, bagas 6
Gwrier	Pfizer
	Restrennow kelmys war Gemmyn Wikimedia

Elven gemyk ew kromiom, niver 24 e'n Vosen Beriodek. An hanow a dheu dhort an ger Greka chromos, ow styrya liw. Pur liwek ew holanow kromiom.

En 1817 André Laugier a dhiskudhas kromiom e'n men kowas Pallas a Siberi. Essensek ew kromiom dhe lies ehen, ow komprehendya tus. Ev a ell bos gwenonek avel kromatow (CrO₄^2-). An re hag a ober gen kesstoffow kromiom a ell displegya kleves diwysyansek, 'goliow byw krom' y hanow, aswonnys rag an kensa pres en Alban en 1827. Kebmyn o en-mysk oberoryon e'n diwysyansow liwa, platya krom ha polsya frynkek. Y arwodhyow o tell e'n krohen ha goliow byw e'n sagh boos.

Fowt kromiom en boos a wra kawsya kleves melys. Boos gen lower a gromiom ew ester, avi leugh ha melyn ow.

Diskudhys veu kromiom en 1798 gen Nicholas Louis Vauquelin (1763-1829) en Paris. Askorrys ew 14 milvil tonnas a gromiom pub bledhen. Usys ew dhe wul bryckys hag a ell gorthsevel tempredhow ughel. Usys an olkan en kesolkenyow pekara dur dinam ha platya krom (level tenow a gromiom). Dyghtya krehyn ew devnydh aral, bes kaletter ew bos y dhowr gwast ow synji krom. Laserow rudhem a wra devnydh a atomow kromiom rag gul golow rudh.

Poos atomek ew 51.99. Y boynt teudhi ew 1860°C, ha'y boynt bryjyon ew 2672°C. Y dhosedh ew 7.2kg an liter.

Alkan kalish arghansek ew kromiom gen liw glasek.