Kres

Klass	studh, fowt
Konter a	bresel
Restrennow kelmys war Gemmyn Wikimedia

"Ewnder ha kres a amm" - lymnans yn Oriel Tosio-Martinengo, Brescia, ynspyrys gans Lyver an Salmow

An Golom Wynn, Arwodh Kres

Fowt a gas po bresel yw kres.

Yma dhe'n Kenedhlow Unys lu gwitha kres, hemm yw lu a assay assoyllya kasow yntra poblow po gwlasow. Nyns yw an lu gwitha kres unn difreudh mar fydh res gwitha kres. Koth yw an tybyans a usya garowder po bresel dhe wrythul kres: 'bresel ewn' yw an lavar usys. Leverys veu bos Kynsa Bresel an Bys "an vresel dhe worfenna pub bresel" pan veu omledhys. Mes y feu breselyow wosa an vresel na. Kresydhyon a gryj na wra garowder po breseli gwrythul kres yn gwiryonedh. Yma ensamplow a arowder usys dhe gonkwerrya ha koselhe pobel, kepar ha'n Pax Romana (kres romanek) yn-dann an Emperoureth Romanek, po kepar ha dell wrug an Normanes ha Sowson yn Kernow, hag Emperoureth Breten Veur yn lies gwlas aral y'n bys. Kresydhyon a lever bos assaya kres dre arowder euver, ha der ewnder y hyllir gwrythul kres gwir.

Kres ha kryjyans

Lies kryjyans a gennerth kres, Bouddieth, Kristonedh hag Islam yn aga mysk. Yn hwir, kres yw onan a styryow an ger الإسلام. Byttegyns, nebes ankrydoryon a lever kryjyans dhe gawsya kas.

Movyansow kres

Yma niver a vovyansow a ober dres kres yn Kernow. Bagasow leel a dhynnergh foesigyon dhe Gernow, yma bagasow a Amnesty International, Christian Aid ha Kowethas an Kenedhlow Unys. Dor Kemmyn yw fondyans a dhre pobel warbarth dhyworth lies kryjyans kepar ha'n Baha’i, Bouddieth, Kristonedh, Hindou, Yedhowieth, Islam ha Paganieth, oll rag skoodhya kres.

Onan a'n mil erthygel posekka war Wikipedya yw an erthygel ma.