Emperoureth Ottoman

Dhyworth Wikipedya, an godhoniador rydh
Emperoureth Ottoman
Arwyddair دولت ابد مدت Edit this on Wikidata
Sort pow istorek Edit this on Wikidata
Henwys dhyworth Osman I Edit this on Wikidata
Penncita Sita Konstentin Edit this on Wikidata
Fondys 29 Gortheren 1299, c. 1300 Edit this on Wikidata
Antempna antempnys emperourethek Ottoman Edit this on Wikidata
Yeth/ow
  sodhogel
Turkek Ottoman Edit this on Wikidata
Doronieth
Rann a'n re a sew An Powers Kresek Edit this on Wikidata
Gwlas Emperoureth Ottoman Edit this on Wikidata
Arenebedh 5,200,000 km² Edit this on Wikidata
War oryon Ruvaneth Bulgari, Estrych-Hungari, Emperoureth Estrych, Ruwvaneth Hungari Edit this on Wikidata
Kesordnogyon 41°N 29°E Edit this on Wikidata
Gwleidyddiaeth
Korf reythyansek Kesva Gemmyn Emperoureth Ottoman Edit this on Wikidata
Sodh penn
  an Stat
sodon a Emperoureth Ottoman Edit this on Wikidata
Map
Kryjyans/Hanwans Islam Edit this on Wikidata
Arghans Akçe, kuruş, Ottoman lira, sultani Edit this on Wikidata

Emperoureth Ottoman (yn Turkek: Osmanlı İmparatorluğu) o emperoureth a rewlyas meur a Europa soth-est, Asi west ha Afrika kledh ynter an 14ves kansvledhen hag an 20ves kansvledhen a-varr. Fondyes veu dhe dhiwedh an 13ves kansvledhen yn Anatoli north-west y'n dre a Söğüt (yn Rannvro Bilecik lemmyn) gans ledyer kordh Turkoman Osman I. Wosa 1354, an Ottomans a dreusas yn Europa ha, gans fethans an Balkans, an beylik Ottoman a veu treusfurvys yn emperoureth treusvrastirek. An Ottomans a worfennas Emperoureth Besontin gans fethans a Sita Konstentin (lemmyn Istanbul) yn 1453 gans Mehmed an Trygher.

Yn-dann rewl Suleiman an Brasoberys, Emperoureth Ottoman a dhrehedhas topp hy nerth ha rychedh, keffrys ha'n displegyans ughella a gevreythyow sosyel, erbysiek ha governansek. Dhe dhalleth an 17ves kansvledhen, an emperoureth a yssynsas 32 rannvro ha lies stat keth. Nebes a'n re ma a veu denys yn Emperoureth Ottoman hag erel a veu grontyes eghennow a omrewl dres an kansvledhynnyow. Gans Sita Konstentin avel hy fenncita ha rewl a'n tiryow a-dro dhe Dhowrgylgh an Kresvor, yth esa Emperoureth Ottoman orth kres a aktivita ynter an Est Kres hag Europa rag hwegh kansvledhen.

Dres oos hir a gres ynter 1740 dhe 1768, kevreyth breselek Ottoman a godhas dhelergh y eskerens Europek, an emperourethow Habsburg ha Russek. Drefen henna, i a veu fethys lies gweyth y'n 18ves kansvledhen dhiwedhes ha'n 19ves kansvledhen a-varr. An Vresel Rek rag Anserghogeth a worfennas gans an dhidrevesigieth a Bow Grek. Hemma, ha fethansow erel, a styryas y hwrug stat Ottoman dalleth argerdh kompassus a janj hag arnowydhheans gelwys an Tanzimat. Ytho, dres an 19ves kansvledhen, stat Ottoman a dheuth ha bos moy nerthek ha restrys, yn dhespit dhe berthi kollow a dir, yn arbennik y'n Balkans, le may sordyas nebes statys nowydh.

Yn Kynsa Bresel an Bys, an Emperoureth a erviras dhe vos keffrysys gans Almayn. Fethans an Emperoureth ha sesyans rann hy thir gans an Geffrysysi wosa diwedh an Vresel a gawsyas hy rannans ha koll hy thiryow y'n Est Kres hag a veu rynnys ynter an Ruvaneth Unys ha Pow Frynk. An Vresel Durkek rag Anserghogeth a sewenas, ledys gans Mustafa Kemal Atatürk wosa an Geffrysysi ena, ha ledya dhe dhalleth Repoblek Turki ha diwedh myghternses Ottoman.

Yma'n erthygel ma owth usya an Furv Skrifys Savonek a-barth Kernowek kres.

Onan a'n mil erthygel posekka war Wikipedya yw an erthygel ma.