Dominika

Dhyworth Wikipedya, an godhoniador rydh
Kemeneth Dominika
Baner Dominika Kota arvow Dominika
(Baner Dominika) (Kota arvow Dominika)
Lavar kenedhlek: Après le Bondie, C'est la Ter
Yeth soedhogel Sowsnek
Pennsita Roseau
Brassa sita Roseau
Lywydh Nicholas Liverpool
Pennmynyster Roosevelt Skerrit
Enep 754 km²
Poblans (2015)
- Doesedh
73 607 a drigoryon
101 triger/km²
Anserghogeth dhiworth Rywvaneth Unys
3sa a vis Du, 1978
Mona kemmyn dollar karibek est (XCD)
Amser UTC -4
Kan genedhlek Isle of Beauty, Isle of Splendour
Kodenn kesroesweyth .dm
Kodenn pellgowser +1-767

Yn sodhogel Kemeneth Dominika, Dominika yw gwlas ynysek yn Mor Karib.

Istori[golegi | pennfenten]

A-dhia an 5ves kansvledhen, yth esa an bobel Arawak dhyworth Amerika Dheghow ow triga war an enys. An bobel Kalinago a gemeras aga le erbynn an 15ves kansvledhen. Aga hanow rag an enys yw Wai‘tu kubuli (Ughel yw hy horf). Columbus a dremenas an Enys Dy Sul, 3 Mis Du 1493, mes Frynkek o an enys ynter 1690 ha 1763. Breten Veur a dhalghennas Dominika y'n vledhen ena wosa Bresel an Seyth Bledhen, hag tamm ha tamm y teuth Sowsnek dhe vos yeth pobel an enys. Anserghogeth a dheuth avel repoblek yn 1978.

Dominika
Mappa Dominika

Doronieth[golegi | pennfenten]

Yma gwrians loskvenydhyek ow hwarvos war an enys hwath, ytho Dominika yw an yowynkka enys y'n Mor Karib. Yma an nessa brassa fenten pooth y'n Norvys war an enys, henwys Boiling Lake. Dominika a'n jeves menydhyow ha koswigow glaw ha lies eghen peryllys a ydhyn, plansow hag enevales. Pur lawek yw hin an menydhyow. An papynjay sisserow (henwys ynwedh an amazon emperourethek) yw an edhen genedhlek, ha hy imach yw war vaner an wlas. Hirder an enys yw 47km (29 mildir) ha'y lester yw 26km (16 mildir). Drefen y eghennow peryllys, yma lies park kenedhlek war an enys, rag ensampel Park Kenedhlek Morne Trois Pitons. Nyns eus lower a bobel ow triga yn kres an enys, re venedhyek yw, mes yma diw chif cita, Roseau, an pennsita, poblans 14,725 yn 2011, ha Portsmouth gans 4,167 a bobel yn 2011.

Kudyn meur dhe'n enys yw trowynsow. Yn 1979, Trowyns David a weskis Dominika, avel trowyns klass 4. Yn 2017 gwyskys veu an enys arta gans Trowyns Maria, klass 5. Arnewys o chiow, fordhow, trevasow ha'n kerghynnedh naturel. An kost veu US$930 milvil po 226% a GDP an wlas.

Governans[golegi | pennfenten]

Baya Batalie, Dominika
Dominika
Gorhel morviajya yn Baya Soufrière, Dominika

Demokratieth senedhek yw Dominika. Yma 30 esel y'n Chi Kesva. Rynnys yw an enys dhe 10 pluw. Ottomma rol anedha gans aga foblans.

Reythyow denel[golegi | pennfenten]

Gwrians reydhek kethreydh yw erbynn an lagha yn Dominika.

Ekonomieth[golegi | pennfenten]

Omres dhe ammeth ha tornyaseth yw Dominika. Tyller gerys-da yw Dominika rag mires orth morviles ha vysytyansow gans gorholyon morviajya. Bananas yw an penn trevas.

Kryjyans[golegi | pennfenten]

61% a boblans Dominika yw Katholik.

Gonisogeth[golegi | pennfenten]

Genys ha megys yn Roseau o an skrifer Jean Rhys (awtour ' The Wide Sargasso Sea '). Fylmys o rann an fylmow ' Pirates of the Caribbean ' war an enys yn Park kenedhlek Cabrits (ryb Portsmouth).

Sportow[golegi | pennfenten]

Krycket yw an sport moyha posek. Yma sportva nowydh drehevys gans arghans a China yn Roseau.