Delta Dowr Danaw

Delta Dowr Danaw
Sort	delta avon
Fondys	1991
Doronieth
Konteth	Tulcea County, Izmail Raion
Gwlas	Roumani, Ukrayn
Arenebedh	4,178 km², 312,440 ha
A-ugh an mor	2 Meter
Kesordnogyon	45.2°N 29.5°E
Studh ertach	Ertachva an Bys UNESCO, tyller Ramsar
Manylion
	Restrennow kelmys war Wikimedia Kemmyn
	[edit on Wikidata]

Ertachva an Bes UNESCO ew Delta Dowr Danaw. (Roumanek: Delta Dunării) Leveryans. Hebm ew an sekond moyha delta en Europa woja Delta Dowr Volga. Ma an brassa radn a’n delta en Roumani (1331 mildir pedrek), gen tabm bian en Ukrayn (272 mildir pedrek). Ertachva an Bes a gomprehend an Komplek Morlydn Razim-Sinoe ewedh, desedhys dhe’n soth, rag gul myns kowal a 1994 mildir pedrek. Apoyntys veu avel Ertachva an Bs ha teller glebdir Ramsar en 1991.

Doronieth

An delta a dhallathas furvya a-dro dhe 4000 KOK pan sevis level an mor. Lettys veu an Dowr Danaw gen bank tewes hag y tallathas an ryver derevel lappys tewes. A-dro dhe 40% a’n delta a veu derevys e’n vilvledhen dhiwettha, drefen tus dhe dreghi kosow, ow kawsya usyans gweres. Patron komplek a brasow, kenegi, goverow ha lydnow ew. An uhelder kresek ew 0.52m hag a-dro dhe 20% a'n delta ew en-dadn level an mor.

Godhvewnans

Desedhys ew an delta war for'ow divroans posek dhe ydhyn, ha kevys ew 320 ha moy a ehednow ena, en aga mesk pelikanes, lobigow gwydn hag ergowannow. An ryvers ew bewva dhe lies ehen a buskes, pekar ha krijes (sturgeon) ha lydnbuskes (carp), ha’n lydnow dhe buskes erel pekar ha dowresti (catfish) ha tranchys (tench). Emesk an enevales ema dowrgeun, mynkes ha badhes gwels.

Poblans

A-dro dhe 20,000 a dus ew trigys e’n delta, 4,600 anodhans en porth Sulina. An delta ew onan a’n telleryow leha poblek en Europa. Pur gonnyk ew an drigoryon avel marnoryon. En gwir, udn drevesigeth, Mila 23 (poblans 1,200), a brovia sportysi neb a waynyas lies pewas e’n Gwariow Olympek (8 owr, 9 arhans ha 2 brons), Kampyoriethow an Bes (32 owr, 26 arhans ha 31 brons) ha Kampyoriethow Europek (20 owr, 12 arhans ha 10 brons), pub pewas rag kanouya.

Gwydhyow a’n delta
Korsek e’n delta
Melin wens koth Letea
Skudellow dowr
Pelikanes
Mappa a oryon Ertachva an Bys

Ma an erthygel ma usya an Furv Skrifys Savonek a-barth Kernowek diwedhes.