Brith Kernewek
Brith kernowek ha pilednow brith kernowek (lostennow brith kernewek y'n FSS (K)) ew hengov arnowydh dallethys e'n 20ves kansvledhen a-varr ha kres. An bilen arnowydh kensa o du plen, ha patronyow erel a sewyas. Skrifow a lever dell wiska tus geltek a driga en Breten Veur pows rudhek brith kriys bracca. An ger Kembrek brech a styr checkerys, haval dhe'n ger Albanek breac, ("brithennek"), ha'n ger bracca a dheu dhort an ger Kernowek brythen hag a styr an keth tra.
Kothskrifer kernowek L.C.R. Duncombe-Jewell a assayas previ bos pilednow plen usys en Kernow. Ev a dhiskudhas kervyansow a venestrals ow kwiska pilednow ha gwari pibow sagh war bednow formys en eglos Alternonn, dedhys 1510.[1] An dustuni kensa istorek rag an bilen vrith gernowek ew dhort 1903, pan omdhiskwedhas Duncombe-Jewell gwiskys en pilen las avel kannas Kernow dhe'n Kuntelles Keltek en Caernarfon. John T. Koch en y lever Celtic Culture: A Historical Encyclopedia a wra mencyon a bilen dhu gwiskys gen Soudoryon Skav Duk Kernow en batel, bettegyns nag eus dustuni istorek rag skoodhya hebma.
Brith kenedhlek
[golegi | pennfenten]
Gwres en kensa en 1963, delinys veu an brith kenedhlek kernowek gen an bardh E. E. Morton Nance, noy Robert Morton Nance. Pub liw an brith a styr neppeth arbednek. An grows wydn war gilva dhu ew dhort baner Peran.[2] Du hag owr o liwyow meternedh Dumnonia, rudh rag garrow ha gelvyn edhen genedhlek Kernow, an balores, ha glas rag an mor a-derdro Kernow.[3] Kenwra an brith kenedhlek kernowek a veu gwiskys rag an pres kensa gen Morton-Nance e'n Kuntelles Keltek en 1963, synjys en Porth reb Tor, stag war vrith Clan Douglas. E'n keth bledhen desinys veu brith Gool Piran gen Donald Rawe. Kovskrifys veu an brith helghya kernowek e'n 1980ow.[4]
An re ma ew an brithow kernowek kovskrifys gen an Awtorita Brith Albanek, hag etho komprehendys enjei en sel kedhlow Kovskrif Brith Albanek.
| Brith kenedhlek | ||
|---|---|---|
| Imach | Hanow | Notennow |
|
|
Brith kenedhlek kernowek | STA no. 1567 |
|
Brith helghya kernowek | STA no. 1568 |
|
Brith baner Peran | STA no. 1618 |
|
Brith gwisk Gool Peran | STA no. 1685 |
|
Brith Gool Peran | STA no. 1262 |
Brith teylu
[golegi | pennfenten]Gwres ha kovskrifys veu nebes brithow rag teyluyow kernowek en termynyow arnowydh, r.e. rag demedhyansow ha kevewiow. An brassa radn a'n re a sew ew kovskrifys gen an Awtorita Brith Albanek po Kovskrif Brith Albanek an Bes hag etho ew komprehendys en sel kedhlow Kovskrif Brith Albanek.
| Brith teylu kernowek | ||
|---|---|---|
| Imach | Teylu | Notennow |
|
Christopher | STA no. 2809 |
|
Curnow | STA no. 4084 |
|
Jewell | STA no. 7478 |
|
Pascoe | |
|
Pengelly | STWR no. 3145 |
|
Rosevear | STA no. 2541 |
|
Sothdyji | |
Devydnow
[golegi | pennfenten]- ↑ "Sackpfeifen selbstgemacht" (yn de). Sackpfeifen.de. http://www.sackpfeifen.de/diy/kerts01.htm.
- ↑ "Tartan Details – Kernbrownek (Personal)". TartanRegister.gov.uk. The Scottish Register of Tartans. 16 April 2010. http://www.tartanregister.gov.uk/tartanDetails.aspx?ref=5662. Kyrghys 10 April 2010.
- ↑ "Cornish Tartan" from the tartan database of Kilts.com.
- ↑ "Tartan Fabrics Kilts Tartan Ribbon in Any Tartan Scottish". HouseOfTartan.com. http://www.houseoftartan.com.
Kevrednow a-ves
[golegi | pennfenten]- Cornish National Tartan
- https://web.archive.org/web/20210907224440/http://www.alanrichards.org/cornishtartan.htm
- Cornish tartans
- Cornish Kilts
Ma an erthygel ma usya an Furv Skrifys Savonek a-barth Kernowek diwedhes.