Donald Rawe

Dhyworth Wikipedya, an godhoniador rydh
Jump to navigation Jump to search
Donald Rawe
Genys 1930 Edit this on Wikidata
Kenedhlogeth Ruvaneth Unys Edit this on Wikidata
Galwesigeth romansydh, prydydh Edit this on Wikidata

Donald Rawe (30 Gortheren 1930 – 9 Metheven 2018) o dyller ha skrifer Kernewek.

Donald Ryley Rawe a veu genys yn 1930 dhe Donald Rawe, tregher, ha Doris (nee Hutchings), an kothha a dhew flogh. Wosa mernans a-varr y famm, y das a dhemedhis arta, ha genys veu leshwor dhodho. Negys y das o gwerthji dillas yn Lannwedhenek (po Lodenek).

Brith kernewek Gool Piran, desinys gans Donald Rawe

Ev a dhisplegyas bern yn istori ha henhwedhlow Kernow pan ve yowynk. Y skrifas lies drama, hwedhel ha bardhonieth war themys Kernewek ha Keltek. Yn 1970 degemerys veu avel bardh yn Gorsedh Kernow gans an hanow bardhek Scryfer Lanwednoc (skrifer Lannwedhenek). Yn 1963 ev a dhesinyas brith kernewek, ow kweres E.E.Morton Nance fondya kowethyans gwertha brith kernewek.

Y’n keth bledhen ev a fondyas Lodenek Press, war-barth ha Dyllansow Truran, onan a’n chif kowethyansow dyllo rag skriforyon Kernewek yn bledhynnyow diwettha an 20ves kansvledhen. Dyllys veu moy ages 50 a ditlow erbynn 2010, niver anedha ganso y honan. Ev a skrifas treylyans a’n gwari marth Gwryans an Bys yn 1980. Dyllys veu niver a lyvrow bardhonieth, kepar ha An Skyla dhe Vos, Pysadow rak Kernow yn Vledhen 2000 ha Geryow Kernewek (treylyes gans Tim Saunders ha komprehendys y’n kuntellyver Poems from the Edge of Extinction yn 2021).

Ev o kaderyer Myster Lien Kernow 25 bledhen, hag ev o esel a Drest Ertach Kernow a-dhia an dalleth. Y ober a veu enorysgans an Orsedh yn 2006 gans pewas kowlwrians hys bewnans. Y lyver Geraint, Last of the Arthurians a’n jeva Tallyour an Myster Lien Kernow yn 2016.

A-dhia 1965, ev o onan a gevarwodhyoryon kowethyans a dhallathas gwertha brith Kernewek. Ev a wre skrifa yn fenowgh dhe’n paperyow nowydh war vateryow politek hag istorek, ha parys o dhe argya y acheson y’n lys treweythyow. Rag niver a vledhynnyow ev o sodhek an wask dhe Vebyon Kernow.

Yn 1954 ev a dhemedhis Margaret Elaine Nankervis yn Loundres. I a gavas unn mab, Clement, hag unn vyrgh, Melanie. Ev a dhemedhis diwweyth wosa henna, dhe Jennifer Balman yn 1988 hag ena dhe Helen, y hwrek pan verwis yn 2018.